ޕްރޮސެކިޔުޓާރ ޖެނެރަލް ހުސައިން ޝަމީމް މަގާމުން އިސްތިއުފާ ދެއްވުމަށް އަދި ވާނުވާ ބަންދު އުވާލުމަށް ގޮވާލާ އިހުތިޖާޖްކޮށްފިއެވެ.
މި އިހުތިޖާޖް އިންތިޒާމްކޮށްފައިވަނީ "ޔޫތް ފޯރ ޔުނިޓީ" ނަމަކަށް ކިޔާ ޖަމިއްޔާއަކުންވެ.
މާލެ ސިޓީގެ ބްރިޖް ވިޔު ސަރަހައްދުގައި މިއަދު ހަވީރު 4:15 ގައި ވަނީ މި އިހުތިޖާޖް ފަށައިގެން ކުރިޔަށް ގެންގޮސްފައެވެ.
އިހުތިޖާޖްގައި ފުދޭވަރަކަށް ގިނަ ފަރާތްތަކުން ބައިވެރިވެފައިވާއިރު ގިނައީ ޒުވާން އުމުރުފުރައިގެ ފަރާތްތަކެވެ.
އިހުތިޖާޖްގައި ޒުވާނުން ގޮވާލާފައިވަނީ ޝަމީމް ޕްރޮސެކިޔުޓާ ޖެނެރަލްގެ މަގާމުން އިސްތިއުފާ ދެއްވުމަށެވެ.
ޝަމީމް އަށް މަގާމުގައި ހުރެ ޒިންމާ އަދާ ނުކުރެވޭ ކަމަށް ވެސް އެ ފަރާތްތަކުން ވަނީ ބުނެފައެވެ.
އަދި މި ސަރުކާރުން ވެރިކަަމަށް އައީ "ވާނުވާ ބަންދު" އުވާލާނެ ކަމުގެ ވައުދާއެކު ކަމަށާއި ނަމަވެސް އެ ވައުދު ފުއްދުމަށްޓަކައި އުޅުއްވާ މަންޒަރު ނުފެންނަ ކަމަށް ވެސް އެ ފަރާތްތަކުން ވަނީ އިހުތިޖާޖްގައި ގޮވާލާފައެވެ.
