މޯލްޑިވްސް މަނިޓަރީ އޮތޯރިޓީގެ ގަވަރުނަރު އަލީ ހާޝިމް ހާޒިރުކުރަން ތާވަލުކުރި ރައްޔިތުންގެ މަޖިލީހުގެ މާލިއްޔަތު ކޮމިޓީގެ ބައްދަލުވުން ކެންސަލްކޮށްފި އެވެ.

އަލީ ހާޝިމް ހާޒިރުކުރަން ނިންމާފައި އޮތީ މިއަދު 11:00 އަށެވެ.

އެ ބައްދަލުވުމަށް ހާޝިމްއާއެކު ޑެޕިއުޓީ ގަވަރުނަރު އަހުމަދު އިމާދާއި އެސިސްޓެންޓް ގަވަރުނަރު އިދުހާމް ހުސެއިން ވެސް ހާޒިރުވާން އޮތީ ނިންމާފައެވެ.

ގަވަރުނަރު މާލިއްޔަތު ކޮމިޓީއަށް ހާޒިރުކުރަން ނިންމިއިރު އޭނާ މަގާމުން ވަކި ކުރަން ރައީސް ޑރ. މުހައްމަދު މުއިއްޒަށް ލަފާ ދިނުމަށް އެ ކޮމިޓީގައި ވެސް ހިމެނިވަޑައިގަންނަވާ ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް ވަނީ ނިންމާފައެވެ.

ގަވަރުނަރު ހާޒިރުކުރަން ތާވަލުކުރި ކޮމިޓީ ކެންސަލްކުރީ ކީއްވެ ކަމެއް ރައްޔިތުންގެ މަޖިލީހުން އަދި ހާމަކޮށްފައިނުވެއެވެ.