ދިވެހިރާއްޖެއަށް އެތެރެ ކުރާ ބާވަތްތަކުގައި މަހުގެ ބާވަތްތައް ނުހިމެނޭނެ ކަމަށް ވިދާޅުވެ މަސްވެރިކަމާ ބެހޭ ވަޒީރު އަހުމަދު ޝިޔާމް އިތުރުފުޅު ހައްދަވައިފިއެވެ.
އެގޮތުން ބައިނަލްއަޤްވާމީ ސީއޯއެފްއައި 36 ވަނަ މަހާސިންތާގައި ވާހަކަފުޅު ދައްކަވަމުން ދިވެހިރާއްޖެއަށް މަސް އިމްޕޯޓު ނުކުރާކަމަށް ވަޒީރު ވަނީ ވިދާޅުވެފައެވެ.
ނަމަވެސް މިއީ ކަނޑައެޅިގެން ވަޒީރު ހެއްދެވި އިތުރުފުޅެކެވެ. ނުވަތަ ވަޒީރަށް މިކަމުގެ މައުލޫމާތު ލިބިފައި ނެތީއެވެ. އެހެނީ ތައިލެންޑުން ރާއްޖެއަށް މަހުގެ ބާވަތްތައް އެތެރެކުރާކަމެވެ.
އެގޮތުން ރާއްޖެއަށް އެންމެ ގިނައިން ކަނޑުމަހުގެ ބާވަތްތައް އެތެރެކުރަނީ ތައިލެންޑުންނެވެ. ތައިލެންޑަކީ ރާއްޖޭގެ ރޯމަސް އެންމެ ބޮޑަށް އެކްސްޕޯޓުކުރާ ޤައުމުކަމާއި، އެ ތަކެތި ވެލިއު އެޑްކުރުމަށްފަހު އަނބުރާ ރާއްޖޭގެ ބާޒާރަށް އޭގެ އަގަށްވުރެ ބޮޑު އަގުގައި އެތެރެކުރާކަން ފާހަގަކުރެވެއެވެ.
މީގެ އިތުރުން، ރާއްޖޭގެ ހުރިހާ ރިސޯޓުތަކަށް ބޭނުންވާ 1 ކިލޯގެ މަސްދަޅު އެތެރެކުރަނީ ތައިލެންޑުންނެވެ. މިފްކޯއިން މިކަން ނުކުރަނީ ހެދިފައިވާ ވަކި ޑީލެއްގެ ދަށުން ކަމަށް ތުހުމަތު ކުރެވެއެވެ.
އެހެންކަމުން ރާއްޖެއަށް މަހުގެ ބާވަތް އެތެރެ ނުކުރާކަމަށް ވިދާޅުވެ ވަޒީރު މެޑަލް ޖެއްސެވިއިރު އެއީ މުޅި ދުނިޔޭގައި ރާއްޖެ ބަދުނާމުކުރުމުން ކަހަލަ ކަމެއްގެ ގޮތުގައި މީސް މީޑިޔާގައި މީހުން ސިފަކޮށްފައިވެއެވެ.
އެގޮތުން ރައީސް މުހައްމަދު މުއިއްޒުއާ އެމަނިކުފާނުގެ ކެބިނެޓުން ވެސް ގެންދަވަނީ ދިވެހިން ލަދުގައި ބައްދަމުން ކަމަސް ވެސް ބައެއް މީހުން ބުނެފައިވެއެވެ.
ވަޒީރު ޝިޔާމްގެ މި އިތުރފުޅު ދިފާއު ކުރަމުން ސަރުކާރުގެ ޓްވީޓުކުރާ އެކްޓިވިސްޓުން ބުނެފައިވަނީ ވަޒީރަށް އޮޅުނީ ކަމަށެވެ. މި ސަރުކާރަކީ ކުރީ ސަރުކާރުން އޮޅިގެން ކަންކަން ކުރުމުން ފާޑުކިޔުން އަމާޒުކުރަމުން އައި ސަރުކާރެއްކަން ފާހަގަކޮށްލެވެއެވެ.
