އެކި މައްސަލަތަކުގައި ތަހުގީގަށް ހައްޔަރުކޮށް ވާނުވާ ބަންދުގައި މީހުން ބޭތިއްބުން ނިމުމަކަށް ގެނައުމަށް ރައީސް ޑރ. މުހައްމަދު މުއިއްޒު ވިދާޅުވެފައިވާއިރު މިކަމާއި ގުޅިގެން އަމަލީ އެއްވެސް ފިޔަވަޅެއް އަޅުއްވަން ސަރުކާރުން މަސައްކަތެއް ނުކުރާކަން ހާމަވެއްޖެއެވެ.

މިގޮތުން މޯލްޑިވްސް ހިއުމަން ރައިޓްސް އެންޑް ޑިޓެއިނީ ޖަމިއްޔާއިން ހާމަކޮށްފައިވާ ގޮތުގައި ކަރެކްޝަންސް ގެ ބެލުމުގެ ދަށުގައި ”ވާނުވާ “ ބަންދުގައި ތިބި ފަރާތްތަކުގެ ތެރޭގައި ބަންދުގައި 11 އަހަރު، 6 އަހަރު އަދި 5 އަހަރަށްވުރެ ގިނަ ދުވަސް ވެފައިވާ ފަރާތްތަށް އެބަތިބި ކަމަށެވެ.

މި ޖަމިއްޔާއަކީ މިފަދައިން ވާނުވާގައި ތިބި ފަރާތްތަކުގެ ހައްގުގައި ވަކާލާތުކުރުމަށް އުފައްދާފައިވާ ޖަމިއްޔާއެއްކަން ފާހަގަކުރެވެއެވެ.

ވާނުވާ ބަންދު އުވާލުމަށް ރިޔާސީ ވައުދުވެ އެ ފަރާތްތަކުގެ އާއިލާއަށް ދޮގު ހުވަފެން ދައްކާ މަގާމަށް އާދެވުމުން ވަނީ އެ މަސައްކަތްވެސް އެހެނިހެން ކަންތައްތަކެކޭ އެއްފަދައިން އެއްފަރާތްކޮށްފައެވެ.