ބްލޮކު ކުރި ކަމަށް ބުނާ ބެޓިން ސައިޓުތަކަށް އަދިވެސް ބީއެމްއެލް މެދުވެރިކޮށް ފައިސާ ޖަމާ ކުރެވޭކަން ހާމަވެއްޖެއެވެ.

ފުލުހުން ބައެއް މީޑިއާތަކަށް މައުލޫމާތު ދެމުން ބުނެފައިވަނީ، އޮންލައިންކޮށް ބެޓްކުރާ ވެބްސައިޓްތައް ބްލޮކްކުރަން ދިވެހި ފުލުހުން ކޭމްއަށް ހުށަހަޅާފައި ވާކަމުގައެވެ. އަދި އެފަދަ ހަތަރު ސައިޓެއް ބްލޮކްކުރުމަށް ޓެލެކޮމިއުނިކޭޝަން އޮތޯރިޓީ އޮފް މޯލްޑިވްސް (ކޭމް) އަށް ހުށަހަޅާފައިވާނެކަމަށްވެސް ފުލުހުން ހާމަކޮށްފައިވެއެވެ.

ނަމަވެސް ކޭމްއިން މި ވެބްސައިޓްތައް ބްލޮކް ކުރި ކަމަށް ބުނި ނަމަވެސް ވީޕީއެން ބޭނުން ކޮށްގެން، ޖުވާ ކުޅުމަށް ބޭނުންކުރާ ވެބްސައިޓްތަކަށް ވަނުމުގެ ފުރުސަތު އަދިވެސް ވަނީ ހުޅުވިފައެވެ. އަދި މިކަމަށް ބީއެމްއެލް މެދުވެރިކޮށް ފައިސާވެސް ޖަމާކުރެވެއެވެ. އަދި ސަރުކާރުން ޖުވާ ކުޅޭ ވެބްސައިޓްތައް ބަންދު ކުރަމުންދާ ކަމަށް ބުނަމުންދަނީ، ޖުވާ ކުޅޭ އެއްވެސް ވެބްސައިޓަކަށް، އެކުޅިވަރު ކުޅެމުންދާ ފަރާތްތަކުން ވަނުމުގައި އަދިވެސް އެއްވެސް ހުރަހެއް ނެތްކަން ރަގަޅަށް އެނގިތިބެކަމަށްވެސް މައުލޫމާޓު އނެގޭ ފަރާތަކުން ތޭރައޮންލައިނަށް މައުލޫމާތު ދީފައިވެއެވެ.

ބީއެމްއެލްގެ އެކައުންޓްތަކަށް ޖުވާގެ ފައިސާ ޖަމާކޮށްދިނުން ހުއްޓުމަކަށް ނުގެނެސް ޖުވާ ކުޅޭ ސައިޓުތައް ބްލޮކުކުރި ކަމަށް ސަރުކާރުން ހާމަކުރަމުން ދަނީ ބޮޑޫ އޮޅުވާލުމެއްގެ ތެރެއިން ކަމަށް ވެސް އެމީހާ ވަނީ ހާމަކޮށްފައެވެ.