ސިހުރު ހެދިކަމުގެ ތުހުމަތުކޮށް ހައްޔަރުކޮށްފައި ހުރި އެންވަޔަރަމެންޓު މިނިސްޓްރީގެ ކުރީގެ ސްޓޭޓް މިނިސްޓަރު، ފާތިމަތު ޝަމްނާޒް އަލީ ސަލީމް އަދި އޭނާގެ ކޮއްކޮގެ ބަންދުން ދޫކޮށްލައިފިއެވެ.
ޝަމްނާޒުއާ އޭނާގެ ކޮއްކޮގެ ބަންދުގެ މުއްދަތު ތިން ވަނަ ފަހަރަށް އިތުރުކުރީ މިދިޔަ ހަފްތާގައެވެ. އެ ދުވަހު ކޯޓުންވަނީ އެމީހުންގެ ބަންދަށް އިތުރު ފަސް ދުވަސް ޖަހާފައެވެ.
ޝަމްނާޒުއާ އޭނާގެ ކޮއްކޮ ބަންދުން ދޫކޮށްލާފައިވާކަން ފުލުހުން ވަނީ ވަނީ ހާމަކޮށްފައެވެ. ފުލުހުން ހާމަކޮށްފައިވާ ގޮރުގައި އެ ދެމީހުންވެސް ބަންދުން ދޫކޮށްލީ އިތުރަށް ބަންސުގައި ބައިތިއްބަން ނުފެންނާތީ ކަމަށެވެ.
ޝަމްނާޒުގެ މައްޗަށް ތުހުމަތު ކުރަނީ ރައީސް ޑރ. މުހައްމަދު މުއިއްޒަށް ސިހުރު ހެދިކަމުގެ ތުހުމަތެވެ. ނަމަވެސް އެ މައްސަލައާ ރައީސްއާ ގުޅުމެއް ނެތް ކަމަށް ސަރުކާރުން ބުނެފައިވެއެވެ.
ނަމަވެސް ސަރުކާރުގެ ބައެއް އޮފިޝަލުން މީސްމީޑިޔާގައި ކުރަމުން އަންނަ ޕޯސްޓްތަކުން ޝަމްނާޒް ގެ މައްޗައް ކުރެވިފައިވަނީ ސިހުރު ހެދި ކަމުގެ ތުހުމަތު ކަން ސާފެވެ.
ޝަމްނާޒު އާއި އޭނާގެ ކޮއްކޮ ހައްޔަރު ކުރީ ޖޫން 23 ވަނަ ދުވަހުއެވެ.
