ޕޮލިސް ކޮލެޖުގެ ގިނަ ދަރިވަރުންތަކެއް ކާނާވިހަވިއިރު، އޭގެ ތެރެއިން ފަސް ދަރިވަރަކަށް އައިސިޔޫގައި ފަރުވާދެމުންދާ ކަމަށާއި، އެއް ދަރިވަރެއްގެ ހާލު ސީރިއަސް ކަމަށް ފުލުހުން މިރޭ ވިދާޅުވެއްޖެއެވެ.

މައުލޫމާތު އެނގޭ މީހަކު ކިޔާދިންގޮތުގައި އެތަނުގައި ކިޔަވަމުންދާ 100 އަށްވުރެ ގިނަ ކުދިންނަށް ކާނާ ވިހަވިއެވެ.

ފުލުހުންގެ މީޑިއާ އޮފިޝަލް މިރޭ ފަހުން ވިދާޅުވީ، ފަސް ދަރިވަރަކު އައިސީޔޫގައި އެޑްމިޓް ކުރެވިފައިވާ ކަމަށެވެ. އަދި އެއް ދަރިވަރެއްގެ ހާލު ސީރިއަސް ކަމަށްވެސް އޮފިޝަލް ވިދާޅުވެފައި ވެއެވެ.

އޮފިޝަލް ވިދާޅުވީ، 32 ދަރިވަރުން ހޮސްޕިޓަލުގައި އެނދުމަތި ކުރެވިފައިވާ ކަމަށެވެ.

އެނގިފައިވާގޮތުގައި ސިފައިންނާއި ރެޑް ކްރެސެންޓްވެސް ދަނީ ހޮސްޕިޓަލުގައި ހަރަކާތްތެރިވަމުންނެވެ.