ކުރީގެ ރައީސް އިބްރާހިމް މުޙައްމަދު ޞާލިހުގެ މަންމާފުޅު، މޫމިނާ ހަސަންފުޅު މިއަދު އަވަހާރަވެއްޖެއެވެ.

ރައީސް ޞާލިޙުގެ މަންމާފުޅު އަވަހާރަވީއިރު އުމުރުފުޅުން 80 އަހަރެވެ.

މޫމިނާ ހަސަންފުޅަށް 12 ބޭފުޅަކު ލިބިވަޑައިގެންނެވިއެވެ.

އޭގެ ތެރޭގައި ރައްޔިތުންގެ މަޖިލީހުގެ ހުޅުމާލެ ދާއިރާގެ ކުރީގެ މެންބަރު އަލީ ނިޔާޒާއި މަޖީދިއްޔާ ސްކޫލުގެ ޕްރިންސިޕަލް އައިޝަތު މުޙައްމަދު ސޯލިހުގެ އިތުރުން, ރައީސް މައުމޫން އަބްދުލްގައްޔޫމްގެ ސަރުކާރުގައާ ރައީސް އަބްދުﷲ ޔާމީނުގެ ސަރުކާރުގައި ވެސް ރައީސް އޮފީހުގެ ޕާސަނަލް ސެކްރެޓަރީކަން ކުރެއްވި ފާތިމަތު މުޙައްމަދު ސޯލިހުވެސް ހިމެބިވަޑައިގަންނަވައެވެ. އަދި ލޯފަން ތިން ބޭފުޅަކު ހިމެނެއެވެ.

ރައީސް ޞާލިހުގެ މަންމާފުޅު އަވަހާރަވުމާ ގުޅިގެން ގިނަ ބަޔަކު ގެންދަނީ ތައުޒިޔާގެ މެސެޖުތައް ހިއްސާކުރަމުންނެވެ.

ރައީސް ޞާލިޙުގެ އާއިލާއަށް މި ދަތި ވަގުތުގައި ކެތްތެރިކަން ދެއްވާ މައްޔިތާއަށް ސުވަރުގޭގެ ނިއުމަތް މިންވަރު ކުރައްވާށިއެވެ. އާމީން.