ކުރީގެ ރައީސް އިބްރާހިމު މުޙައްމަދު ޞާލިޙުގެ ލޮބުވެތި މަންމާފުޅު އަވަހާރަވުމާ ގުޅިގެން ރައީސް އަބްދުﷲ ޔާމީންގެ ފަރާތްޕުޅުން އެ ޢާއިލާއަށް ތަޢުޒިޔާ އަރިސްކުރައްވައިފިއެވެ.

ރައީސް ޔާމީންއާ އަނބިކަނބަލުން މެޑަމް ފާތިމަތު އިބްރާހިމުގެ ފަރާތްޕުޅުން ރައީސް ޞާލިޙުގެ ޢާއިލާއަށް ފޮނުއްވި ތަޢުޒިޔާގެ މެސެޖުގައި ވިދާޅުވެފައިވަނީ ރައީސް ޞާލިޙުގެ މަންމާފުޅު ދުނިޔެ ދޫކުރެއްވި ޚަބަރު އެއްސެވީ ހިތާމައާ އެކު ކަމަށާ ޢާއިލާއަށް ކުރިމަތިވެވަޑައިގެންނެވި މި ހިތާމަވެރި ދަނޑިވަޅުގައި ރައީސް ޞާލިޙުގެ އާއިލާގެ ހިތާމައިގައި އެމަނިކުފާނާ އަދި ޢާއިލާވެސް ބައިވެރިވެވަޑައިގަންނަވާ ކަމަށެވެ. އަދި ރައީސް ޞާލިޙުގެ ޢާއިލާއަށް އެމަނިކުފާނުގެ ހިތްޕުޅުގެ އިޚްލާސްތެރި ތަޢުޒިޔާ އަރިސްކުރައްވާ ވަނީ ޢާއިލާއަށް ކެތްތެރިކަން ދެއްވުން އެދި ދުޢާ ދަންނަވާފައެވެ.

ރައީސް ޞާލިޙުގެ މަންމާފުޅު އަވަހާރަވީއިރު އުމުރުފުޅުން 80 އަހަރެވެ.

ރައީސް ޞާލިޙުގެ މަންމާފުޅު، މޫމިނާ ހަސަންފުޅަށް 12 ބޭފުޅަކު ލިބިވަޑައިގެންނެވިއެވެ.

އޭގެ ތެރޭގައި ރައްޔިތުންގެ މަޖިލީހުގެ ހުޅުމާލެ ދާއިރާގެ ކުރީގެ މެންބަރު އަލީ ނިޔާޒާއި މަޖީދިއްޔާ ސްކޫލުގެ ޕްރިންސިޕަލް އައިޝަތު މުޙައްމަދު ސޯލިހާއި ރައީސް މައުމޫން އަބްދުލްގައްޔޫމާ، ރައީސް އަބްދުﷲ ޔާމީނުގެ އިތުރުން ރައީސްޞާލިހުގެ ޕާސަނަލް ސެކްރެޓަރީކަން ކުރެއްވި ފާތިމަތު މުޙައްމަދު ސޯލިހުގެ އިތުރުން ލޯފަން ތިން ބޭފުޅަކު ހިމެނެއެވެ.

ރައީސް ޞާލިހުގެ މަންމާފުޅު އަވަހާރަވުމާ ގުޅިގެން ގިނަ ބަޔަކު ގެންދަނީ ތައުޒިޔާގެ މެސެޖުތައް ހިއްސާކުރަމުންނެވެ.