ޖުމްހޫރީ ޕާޓީގެ ލީޑަރ އަދި މާމިގިލީ ދާއިރާގެ މެމްބަރު ގާސިމް އިބްރާހިމުގެ އަނަބިކަބަލުން އަދި ޓްރާންސްޕޯޓުގެ ކުރީގެ ވަޒީރު އައިޝަތު ނަހުލާ މަޖިލީހަށް ނުކުންނަން ލަފާ ދިނީ އަދުގެ ރައީސުލްޖުމްހޫރިއްޔާގެ އެޑްވައިޒަރ އަދި ސަރުކާރު ހިންގާ ޕާޓީގެ ޗެއަރޕާސަން އަބްދުއްރަހީމު އަބްދުﷲކަން ހާމަވެއްޖެއެވެ.
މިކަން ހާމަވެފައިވަނީ ހަސަން ކުރުސީގެ ނަމުގައި ހިންގަމުންދާ އެކްސް ހެންޑްލައި އާންމުކޮށްފައިވާ އޯޑިއޯ ކްލިޕަކުންނެވެ.
އެ ކްލިޕުގައި ނަހުލާ ވިދާޅުވާ އަޑު އިވިގެން ދަނީ ރައްޔިތުންގެ މަޖިލީހަށް ނުކުންނަން އެކަމަނާއަށް ލަފާ ދިނީ އަބދުއްރަހީމު ކަމަށެވެ، އެގޮތުން ރައީސް މުހައްމަދު މުއިއްޒު ހުވާ ކުރެއްވުމުގެ ކުރިން ޖޭޕީގެ ބައެއް އިސް ބޭފުޅުންނާ އެކު ޓްރާންސިޝަލް މަރުހަލާގައި އިންތިޚާބީ ސަރުކާރުން ބޭއްވި ބައްދަލުވުމުގެ ތެރޭގައި އަބްދުއްރަހީމު ވަނީ ނަހުލާއަށް ހުޅުމާލޭ ދެކުނު ދާއިރާއަށް ވާދަކުރުމަށް ލަދާ އަރުވާފައިކަމަށް އެކަމަނާ ވިދާޅުވާ އަޑު އިވިގެންވެސް އެ އޯޑިއޯގައި އަޑު އިވިގެން ގޮސްފައިވެއެވެ.
ނަހުލާއަށް ހުޅުމާލެ މެދު ދާއިއާއަށް މަޖިލިސް އިންތިހާބުގައި ނުކުތުމަށް އަބްދުއްރަހީމު ލަފާދިފައިވާކަން ޙާމަވެފައިވާއިރު މާދަމާ ބާއްވާ ޕީއެންސީގެ ޕްރައިމަރީގައި ވެސް އެ ދާއިރާއަށް ކެންޑިޑޭޓުން ވާދަކުރެއެވެ. އެހެންކަމުން އަބްދުއްރަހީމު އަޑީގައި ހުރެގެން މި ހިންގާ ޖަރީމާގެ މަގްސަދު ސާފުކޮށްލަން އޭނާއަށް ގުޅާލުމުން ފޯނަށް ޖަވާބުދީފައި ނުވާތީ ވަނީ ސާފުވާ ގޮތް ނުވެފައެވެ.
މަޖިލިސް އިންތިހާބުގެ ޓިކެޓާ ގުޅިގެން މިހާރުވެސް ސަރުކާރު ޕާޓީގެ ތެރޭގައި ބޮޑެތި ހަމަ ނުޖެހުން އުފެދިފައިވާކަން ފާހަގަކޮށްލެވެއެވެ.
