އާރަށު ތިލަ ކައިރީ އެންވެރިކަން ކުރަން އުޅުނު މަސް ދޯންޏެއް ކޯސްޓުގާޑާ އަދި ޕޮލިހުން ހުއްޓުވައިފިއެވެ.
ބޮޑު ކަންނެލި މަސްވެރިންގެ ޔޫނިއަން (ބީކޭއެމްޔޫ)ގެ ފޭސްބުކް އެކައުންޓުން ކޮށްފައިވާ ޕޯސްޓެއްގައި ބުނެފައިވަނީ މާލެ އަތޮޅު އާރަށު ތިލައަކީ ޒަމާނުންސުރެ މަސްވެރިން އެންވެރިކަން ކުރަމުން އައި ތިލައެއް ނަމަވެސް އެ ތިލައިން މިއަދު އެންވެރިކަން ކުރަމުން ދަނިކޮށް ކޯސްގާރޑް އަދި ޕޮލިހުން އައިސް ވަނީ އެންވެރިކަން ކުރަމުން ދިޔަ ދޯންޏެއް ހުއްޓުވާފއިކަމަށެވެ.
މިކަމާ ގުޅިގެން އެމްއެންޑީއެފްއާ ފުލުހުންނާ ވެސް ތޭރަ އޮންލައިން އިން ވާނީ ސުވާލުކޮށްފައެވެ. އެމްއެންޑީއެފުން ވަނި ބަލާލުމަށް ފަހު މައުލޫމާތު ހިއްސާކުރާނެ ކަމަށް ބުނެފައެވެ. ފުލުހުންގެ ބަހެއް އަދި ނުލިބެއެވެ.
