ސިނަމާލެ ބުރިޖުން ދަތުރުކުރާ ފަރާތްތަކުން އެކަމަށް ސަމާލުވުމަށް ދިވެހި ފުލުހުންގެ ޚިދުމަތުން އަންގައިފިއެވެ.

ފުލުހުންގެ މުއައްސަސާއިން މިފަދައިން އަންގާފައިވަނީ، އެ ސަރަހައްދަށް އުދައަރަމުންދާތީ އެކަމުގެ ސަބަބުން ދުއްވާ މީހުންނަށް ލިބިދާނެ ގެއްލުމަކުން ސަލާމަތްވުމަށެވެ.

ފުލުހުން ހާމަކޮށްފައިވާ ގޮތުގައި، ބުރިޖު ހައިވޭއިން ދަތުރުކުރާ މީހުން ރަނގަޅަށް ހެލްމެޓް އަޅައިގެން ދަތުރު ކުރުމަށާއި އުދަ އަރާނެ ކަމަށް މެޓް އޮފީހުން ލަފާކޮށްފައިވާ ވަގުތުތަކުގައި ކުޑަކުދިން ގޮވައިގެން ސައިކަލުގައި ދަތުރު ނުކުރުމަށް އިލްތިމާސް ކުރާ ކަމަށެވެ.

ކޮންމެހެން ކުރަން ޖެހޭ ދަތުރެއް ނޫނީ ނުކުރުމަށާއި އުދައާ ގުޅިގެން މަގުމައްޗަށް އެޅޭ ވެއްޔާއި ގަލަށް ވެސް ސަމާލުވުމަށް ފުލުހުން ވަނީ އިލްތިމާސްކޮށްފައެވެ.

ފުލުހުން މިފަދައިން އިލްތިމާސްކޮށްފައިވާއިރު މެޓު އޮފީހުން ވަނީ އުދަ އަރާނެކަމަށް ލަފާކުރެވޭތީ ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފައެވެ. ކ އަތޮޅުން ފެށިގެން އައްޑޫ ސިޓީއާ ހަމައަށް މެޓުންވަނީ މެންދުރު 13:15 އިން ފެށިގެން ހަވީރު 17:15 އަށެވެ.