މި ސަރުކާރު އައިފަހުން މަސްވެރިންނަށް ބޯން ދިނީ "ހިތި ބޭހެއް" ކަމަށް މަސްވެރިން ބުނަން ފަށައިފިއެވެ.

ޒުވާން މަސްވެރިޔެއް އޭނާގެ އެކްސްގައި ކުރި ޕޯސްޓެއްގައި ބުނެފައިވަނީ މި ވެރިކަމަކީ މަސްވެރިން ވޯޓު ދީގެން ހޯދައިދީފައިވާ ވެރިކަމެއް ކަމަށެވެ.

އެހެންނަމަވެސް މަސްވެރިންނަށް މި ސަރުކާރުން މި ބޯންދިނީ ހިތި ބޭހެއް ކަމަށް ވެސް އެ މަސްވެރިޔާ ވަނީ ބުނެފައެވެ.

އެހެންކަމުން މިއަދު މަސްވެރިންގެ ކަރުތެރޭ އެ ކުރި ހިތި ބޭހުގެ އަސަރު އަދި ސަރުކާރުގެ ވެރިންގެ ކަރުތެރެޔަށް ވެސް ކުރާނެ ދުވަހެެއް އަންނާނެކަމަށް ވެސް އޭނާ ވަނީ ޕޯސްޓްގައި ބުނެފައެވެ.

މި ސަރުކާރުން ވެރިކަމަށް އައީ މަސްވެރިންނަށް ވައުދުތައް ފުއްދާދިނުމުގެ ބޭނުމުގައެވެ. ނަމަވެސް ފެނިގެންދަނީ މާލީ ހާލަތު ބަހަނާއަކަށް ހަދާ މަސްވެރިންނަށް ވީ ވައުދުތައް ކަފުންކުރާ މަންޒަރުކަން ފާހަގަކޮށްލެވެއެވެ.