ރާއްޖޭގެ މާލީ ހާލަތު މިހާވަރަށް ވައްޓާލުމުގެ ޒިންމާނަގަންޖެހޭނީ ނިމިދިޔަ އެމްޑީޕީ ސަރުކާރުން ކަމަށް މަޖިލީހުގެ މާލިއްޔަތު ކޮމިޓީގެ މުގައްރިރު ގާސިމް އިބްރާހީމް ވިދާޅުވެއްޖެ އެވެ.

ގާސިމް ވިދާޅުވީ މިހާވަރަށް ރާއްޖެ ދަރަނިވެރިވުމުގެ ޒިންމާ ނަގަންޖެހޭނީ ކުރީ ސަރުކާރުން ނެވެ. އެ ސަރުކާރުގެ ކޯލިޝަންގައި ހިމެނުނު ޖުމްހޫރީ ޕާޓީގެ ލީޑަރުކަން ކުރައްވާ ގާސިމް ގަބޫލުކުރައްވ ގޮތުގައި މިހާލަތަށް ވެއްޓުނީ މިދިޔަ ފަސް އަހަރު ތެރޭގައި ނެގި ލޯނުތަކާއި ދަރަނިތަކުގެ ސަބަބުން ނެވެ.

އޭނާ ވިދާޅުވީ އާސަންދަ ހައްގު ފަރާތްތަކަށް ނުދެވެނީ، އަދި މަސްވެރިންނަށް ވެސް ފައިސާ ނުދެވެނީ ކުރީ ސަރުކާރުގެ ނިންމުންތަކުގެ ސަބަބުން ނެވެ. ކުރީ ސަރުކާރުގެ ޓްރާންސްޕޯޓް މިނިސްޓަރަށް ގާސިމްގެ އަނބިކަނބަލުން އޭރު ހުންނެވިއިރު، ކުރީ ސަރުކާރާއި ދެކޮޅަށް އަޑުއުފުލަން ގާސިމަށް ކެރިވަޑައިނުގަތެވެ.

އެމެރިކާގެ ކްރެޑިޓް ރޭޓިން އޭޖެންސީ, ފިޗުން ވަނީ ރާއްޖެއިން ބޭރުގެ ފަރާތްތަކުން ނަގާފައިވާ ދަރަނިތައް ނުދެއްކޭނެ ކަމަށް ބަލައި ރާއްޖޭގެ ރޭޓިން މިއަހަރު "ސީސީސީ ޕްލަސް" އަށް ދަށްކޮށްފަ އެވެ. ރާއްޖެއަކީ ބަނގުރޫޓުވުމުގެ ފުރުސަތު ބޮޑު ގައުމެެއްގެ ގޮތުގައި އެ އޭޖެންސީން ވަނީ ފާހަގަކޮށްފަ އެވެ.