މިކަމުގެ ތުހުމަތު އަމާޒުކޮށްފައިވަނީ އެމްޑީޕީން ކަންބޮޑުވުންފާޅުކޮށް ބުރާސްފަތި ދުވަހު އިލެކްޝަން ކޮމިޝަންގެ ރައީސް ފުއާދު ތައުފީގަށް އެޑްރެސް ކުރައްވައި ފޮނުވި ސިޓީއެއްގައެވެ.
އެގޕތުން އެ ސިޓީގައި ވަނީ 2024 ވަނަ އަހަރުގެ ރައްޔިތުންގެ މަޖިލީހުގެ އިންތިހާބު ބާއްވާނެ ތާރީޚަކާއި ގުޅިގެން މަޖިޅިުހަށް ލަފައަކަށް އެދުމުން ރޯދައިގެ ފަހުން އިންތިހާބު ބޭއްވުމަށް ލަފާދީފައިވާކަމަށެވެ.
މީގެ އިތުރުން އެ ކޮމިޝަނުން އުފައްދާފައިވާ ގައުމީ ލަފާދޭ ކޮމިޓީން ވެސް އިންތިހާބު ބާއްވާނެ ތާރީޚަކާއި ގުޅިގެން ލަފައަކަށް އެދުމުން ސަރުކާރު ހިންގާ ކޯލިޝަނުގެ ޕާޓީތައް ފިޔަވައި އެހެން ހުރިހާ ފަރާތްތަކުން ވެސް އެދިފައިޗަނީ ރޯދަމަހުގެ ފަހުން އިންތިހާބު ބޭއްވުމަށް ކަމަށް ފާހަގަކޮށްފައެވެ.
އެ ފަރާތްތަކުގެ ތެރޭގައި ސިޔާސީ ޕާޓީތަކުގެ އިތުރުން، އެންޓި ކޮރަޕްޝަން ކޮމިޝަން، ހިއުމަން ރައިޓްސް ކޮމިޝަން އަދި ޓްރާންސްޕޭރެންސީ މޯލްޑިވްސް ފަދަ ޖަމިއްޔާތައް ވެސް ހިމެނެއެވެ.
ނަމަވެސް، އެ ލަފާތަކާ ޚިލާފަށް ސަރުކާރުގެ ނުފޫޒުން، ކުރިއަށް އޮތް މަޖިލިސް އިންތިހާބު ރަމަޟާން މަހުގެ ތެރޭގައި ބޭއްވުމަށް އީސީން ނިންމަންއުޅޭ ކަމަށް އެމްޑީޕީން ވަނީ ތުހުމަތުކޮށްފައެވެ.
އޭގެ ސަބަބުތަކެއް ކަމުގައި އެމްޑީޕީން ބުނީ، ގައުމީ ލަފާދޭ ކޮމެޓީގައި އިންތިޚާބު ބާއްވާނެ ތާރީޚާ މެދު ޚިޔާލު ތަފާތުވީ ސަރުކާރުގައި ހިމެނޭ ޕީއެންސީ އަދި ޕީޕީއެމް އެކަނި ކަމަށް ވާތީކަމަށްވެސް އެމްޑީޕީން ވަނީ ތުހުމަތުކޮށްފައެވެ.
