މިނިވަން ދުވަހުގެ ޕެރޭޑް އަންނަ ހުކުރު ދުވަހު ބޭއްވުމަށް ހަމަޖެހުމާއި ގުޅިގެން އެ ދުވަހު ހަވީރު މާލޭގެ މަގުތަކުގައި ވެހިކަލް ދުއްވުން މަނާކޮށްފި އެވެ.
ރާއްޖޭގެ 59 ވަނަ މިނިވަން ދުވަހުގެ ޕެރޭޑު އޮގަސްޓު 2 އަށް ފަސްކޮށްފައިވަނީ މޫސުން ގޯސްވުމާ ގުޅިގެންނެވެ.
މާލެ ސިޓީ ކައުންސިލުން ކުރި އިއުލާނެއްގައި ބުނީ ވެހިކަލް ދުއްވުން މަނާކުރީ މި ޕެރޭޑާ ގުޅިގެން މާލޭގެ ޓްރެފިކް ފްލޯ ކުރަން އުނދަގޫވާނެތީ ކަމަށެވެ.
އަދި ވެހިކަލް ދުއްވުން މަނާކުރީ އެ ދުވަހު ހަވީރު 4:00 އިން 6:00 ކަމަށް ވެސް އެ އިދާރާއިން ވަނީ ހާމަކޮށްފައެވެ.
މިނިވަންދުވަހުގެ ޕެރޭޑަކީ ސިފައިންނާއި ކެޑޭޓުން ކޮންމެ އަހަރެއްގެ ޖުލައި 26 ގެ ހަވީރު ކުރިއަށް ގެންދާ ރަސްމީ ހަރަކާތެކެވެ.
މި ހަރަކާތް ބައްލަވާލައްވަން އޭރަކު ހުންނަވާ ރައީސާއި އަނބިކަނބަލުން ވަޑައިގަންނަވަ އެވެ.
