ދާއިރާއަށް ތަރައްގީ ގެނެވޭނީ ރައީސް އަބްދުﷲ ޔާމީން އަބްދުލް ގައްޔޫމްެގެ ފިކުރުން ކަމަށް އެމަނިކުފާނު އަލަށް އުފައްދަވާ ޕާޓީ ޕީޕަލްސް ނެޝެނަލް ފްރޮންޓް (ޕީއެންއެފް) ގެ ފަރާތުން ހުޅުމާލެ އުތުރު ދާއިރާއަށް ވާދަކުރައްވާ ކެންޑިޑޭޓު އަހުމަދު ލަތީފް (ލަތީ) ވިދާޅުވެއްޖެއެވެ.

ލަތީފު މިފަދައިން ވިދާޅުވެފައި ވަނީ ޕީއެންއެފްގެ ޓިކެޓުގައި ރައްޔިތުން މަޖިލިހަށް ވާދަކުރުމަށް ޝައުގުވެރިކަން ފާޅުކުރައްވާފައިވާ ކެނޑިޑޭޓުން ތައާރަފް ކުރުމަށް ބުރާސްފަތި ދުވަހު ބޭއްވި ޖަލްސާގައި ވާހަކަ ދައްކަވަމުންނެވެ.

ލަތީފު ވިދާޅުވީ ހުޅުމާލެ އުތުރު ދާއިރާއަށް ތަރައްގީ ގެނަސްދެއްވީ ރައީސް ޔާމީންގެ ސަރުކާރުން ކަމަށާއި ކުރިއަށް އޮތް ތަނުގައިވެސް އެ ދާއިރާ އަށް ތަރައްގީ ގެނެވޭނީ ރައީސް ޔާމީންގެ ފިކުރުން ކަމަށެވެ.

އަދި މި ދާއިރާއަށް ކުރިމަތި ލެއްވި މައިގަނޑު ސަބަބަކީ ވެސް ރައީސް ޔާމީންގެ ފިކުރުުން ދާއިރާ ތަރައްގީ ކުރުން ކަމަށާއި އެކަން ކުރެވޭނީ ޕީއެންއެފްގެ ތެރެއިން ނިކުމެ މަޖިލީހުގައި ވަކާލާތު ކުރެވިގެން ކަމަށެވެ.

މީގެ އިތުރުން ލަތީ ވަނީ ދާއިރާ ގެ ރައްޔިތުން ފައިސާގެ ދަހިވެތިކަމުގައި ދޫކޮށް ނުދާނެ ކަމުގެ ޔަގީންކަން އަރުވާފައެވެ.