މިނިވަން ދުވަހުގެ މުނާސަބަތުގައި އެމްއެންޑީއެފުން ކުރިއަށް ގެންދިއުމަށް ހަމަޖެހިފައިވާ "ޝަރަފުގެ ހިނގާލުން" މިއަދު ހަވީރު މާލޭގައި ބޭއްވުމަށް ނިންމައިފިއެވެ.

ޝަރަފުގެ ހިނގާލުން ފަށާނީ މިއަދު ހަވީރު 16:15 ގައި ބަންޑާރަކޮށިންނެވެ.

އެ ހިނގާލުމުގައި ޖުމްލަ ފަސް ތަނެއްގައި ލަޝްކަރު ހުއްޓުމަށް ހަމަޖެހިފައިވާއިރު އެއިން ކޮންމެ ތަނެއްގައި މިލިޓަރީ ބޭންޑުގައި ރާގު ކުޅޭނެއެވެ.

ހިނގާލުން ނިންމާލުމަށް ހަމަޖެހިފައިވަނީ ކަޅުތުއްކަލާކޮއްޓަށެވެ.

އެމްއެންޑީއެފުން މި ފަހަރު ޝަރަފުގެ ހިނގުން މާލެ އަދި ހުޅުމާލޭގައި ބޭއްވުމަށްވަނީ ހަމަޖެހިފައެވެ.

އެގޮތުން އެ ހަރަކާތް ހުޅުމާލޭގައި ބާއްވަނީ މާދަމާއެވެ.