ސަރުކާރުން ޓެކްސީ ހިދުމަތް ފަށަން ނިންމުމުން، ޓެކްސީ ޑްރަވައިރުން ކަންބޮޑުވުން ފާޅުކޮށް އަޑުއުފުލަން ފަށައިފިއެވެ.

އެގޮތުން ޓެކްސީ ޑްރައިވަރުންތަކެއް ވަނީ މިއަދު ހުޅުމާލޭގެ ރުއްގަނޑު ސަރަހައްދައް އެއްވެ އަޑުއުފުލާފައެވެ.

އެސަރަހައްދަށް އެއްވި މީހުންގެ ކަންބޮޑުވުމަކީ ޓެކްސީ ހިދުމަތަށް ސަރުކާރުން ނިކުންނާތީވެ އާއި ޕާކްކުރާނެ ތަނެއް ނުދައްކައި ޓެކްސީތައް ޓޯކުރާތީ އެވެ.

ތޭރަ އޮންލައިން އަށް މައުލޫމާތު ދިން ޑްރައިވަރަކު ބުނީ ގާނޫނު ތަންފީޒުކުރުމުގައި ރައްޔިތުންގެ މެދުގައި ތަފާތު ކުރަމުންގެންދާ ކަމަށެވެ.

އަދި ވަކި ބާވަތެއްގެ ވެހިކަލްތައް އަވަހަށް ރަޖިސްޓްރީކޮށްދޭ ކަމަށާއި އެހެންކަމުން އެކަން ހުއްޓުވުމަކަށް ގެންނަން ޖެހޭ ކަމަށެވެ.

ސަރުކާރުން މާލޭގައި ޓެކްސީގެ ހިދުމަތް ފޯރުކޮށްދިނުމަށްޓަކައި އައު ޓެކްސީ ލައިނެއް ތައާރަފުކުރުމަށް ނިންމައި އެކަން އިއުލާންކުރީ "މާލެ ފެހި" ޕްރޮގްރާމްގަ އެވެ.

މި ސަރުކާރުން ވެރިކަމަށް އައީ އުޅަނދު ޕާކް ކުރާނެ ތަނެއް ނުދައްކާ ސްޓިކާ ނުޖަހާނެ ކަމަށް ވައުދުވުމަށްފަހުއެވެ.

އެހެން ނަމަވެސް ޕާކު ކޮށްފައި ހުރި ގިނަ އަދަދެއްގެ އުޅަނދުތައް އަންނަނީ ޓޯ ކުރަމުންނެވެ.

މިކަމާ ގިނަ ބަޔަކު އަންނަނީ ސަރުކާރާ ދެކޮޅަށް މުޒާހަރާ ކުރަމުންނެވެ.