ސަހްޔޫނީން ފަލަސްތީނުގެ ޣައްޒާގައި ހުންނަ އަލް-އަގްސާ ޝަހީދުންގެ ހޮސްޕިޓަލްގައި ހިންގި ގަތުލުއާންމު ޣައްޒާ އިން ކުށްވެރިކޮށްފިއެވެ.

އަގްސާ ޝަހީދުންގެ ހޮސްޕިޓަލް ގޯތި ތެރެއަށް ހަމަލާދީ ފަލަސްތީނުގެ ތިން މީހުން ޝަހީދުކޮށްލައި 18 މީހުން ވަނީ ޒަހަމްކޮށްލައިފައެވެ.

އެ ހަމަލާ ދިން ސަރަހައްދުގައި ޖަހާފައި ހުރީ ޓެންޓުތަކެކެވެ. އެއީ އަމިއްލަ ގެދޮރު ދޫކޮށް ވަގުތީ ބޯހިޔާވަހިކަން ހޯދަންވެގެން އައިސް ތިބި ފަލަސްތީނުގެ ރައްޔިތުންތަކެއް ދިރިއުޅޭ ތަނެކެވެ.

މި ހަމަލާ އައީ ޣައްޒާގައި ހުރި ސްކޫލަކަށް ހަމަލާ ދިންތާ ކުޑައިރުކޮޅެއް ފަހުންނެވެ.

ޣައްޒާގެ މީޑިއާ އޮފީހުން ބުނީ އިސްރާއީލްގެ އެ ހަމަލާއަކީ ސީދާ ހޮސްޕިޓަލަށް އަމާޒުކޮށް ދިން ހަމަލާއެއް ކަމަށާއި އެކަން ހަރުކަށި އިބާރާތުން ކުށްވެރި ކުރާ ކަމަށެވެ.