އައު ސަރުކާރު ބަދަލުވި ފަހުން މަސްވެރިންނަށް ލިބެން ޖެހޭ އުޖޫރަ ނުލިބުމާއި ގުޅިގެން ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް ސޯޝަލް މީޑިއާގައި ފާޑު ކިޔުން އަމާޒުކުރަން ފަށައިފިއެވެ.
ސޯޝަލް މީޑިއާގައި ރައީސް މުއިއްޒުގެ ސަރުކާރު އައި ފަހުން އުޖޫރަ ނުދޭކަމަށް ބުނެ ގިނަ މަސްވެރިން ތަކެއް ވަނީ ފާޑުކިޔާފައެވެ.
އެގޮތުން މި ފަހުން ސޯޝަލް މީޑިއާގައި އާންމުވެފައިވާ ވީޑިއޯއެއްގައި ވަނީ ރައީސް މުއިއްޒު ހުވާކުރައްވައި ދެއްވި ފުރަތަމަ ހިތާބުގައި ވާހަކަ ދެއްކެވި ގޮތަށް ފާޑުކިޔައި އެމަނިކުފާނަަށް ސުވާލުތަކެއް އަމާޒުކޮށްފައެވެ.
މީގެ ކުރިން ވެސް އެކި ފަހަރު މަތިން މަސްވެރިން ވަނީ ރައީސް މުއިއްޒާއި އެމަނިކުފާނުގެ ސަރުކާރަށް އެތައް ސުވާލުތަކެއް އަމާޒުކޮށްފައެވެ.
ހާއްސަކޮށް ކޮން އިރަކުންތޯ އެމީހުންނަށް ލިބެން ވާ އުޖޫރަ ލިބޭނީވެސް ވަނީ ސުވާލުއުފައްދާފައެވެ.
މަސްވެރިންނަށް ލިބެން ޖެހޭ ފައިސާ ލިބުން ލަސްވުމާއި ގުޅިގެން މީގެ ކުރިން ބައެއް މީހުން އަސާސީ ބޭނުންތަކުން މަހުރޫމްވެފައިވާކަން ވެސް ފާހަގަކޮށްލެވެއެވެ.
