ސަރުކާރުގެ ކުންފުނިތައް ބަލަހައްޓާ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އަށް އޮޅިގެން އެމްޓީޑީސީގެ ޗެއާމަން އަބްދުﷲ ފާއިޒު އެ މަގާމުން ވަކިކުރެވިއްޖެ އެވެ.

އެމްޓީސީޑީގެ ޗެއާމަންގެ މަގާމުގައި ހުންނެވި ފާއިޒު ވަކިކޮށްފައި ވަނީ ބުރާސްފަތި ދުވަހުއެވެ.

އޭނާ މަގާމުން ވަކި ކުރުމަށް ފޮނުވި ސިޓީގައި ސޮއި ކުރައްވާފައި ވަނީ ޕީސީބީގެ ރައީސް ހަމްދީ އަގީލެވެ.

މަގާމުން ވަކިކުރިކަން އެންގި ސިޓީ އިއްޔެ މެންދުރު އެމްޓީޑީސީގެ އިސްވެރިންގެ ވަޓްސްއަޕް ގްރޫޕަށް ހިއްސާ ކުރެއްވުމަށް ފަހު އެ ގްރޫޕު ދޫކުރައްވައި ފާއިޒު ނުކުމެވަޑައިގަތެވެ.

ނަމަވެސް މިއަދު ޕީސީބީން އެންގީ ފާއިޒު ވަކިކުރީ އޮޅުމަކުން ކަމަށެވެ.