މަރުކަޒީ ބޭންކު (އެމްއެމްއޭ) ގެ އޮނިގަނޑަށް ބަދަލު ގެނެސް، ފަސް މެނޭޖިން ޑިރެކްޓަރުން އައްޔަންކުރަން ނިންމާފައިވާތީ ސަރުކާރު ކޯލިޝަންގައި ހިމެނޭ އެމްއެންޕީގެ ރައީސް،  މުހައްމަދު ނާޒިމް ފާޑުވިދާޅުވެއްޖެ އެވެ.

ނާޒިމް ވިދާޅުވީ އެމްއެމްއޭއަށް ފަސް މެނޭޖިން ޑިރެކްޓަރުން އައްޔަންކުރުމަކީ ދައުލަތުން އުފުލަން ޖެހޭ އިތުރު މާލީ ބުރައެއް ކަމަށެވެ. އެއީ އެމްޑީއެއްގެ މުސާރަ އަކީ ވެސް 50،000 ރުފިޔާ އެވެ.

އެމްއެމްއޭގެ ހިންގުމުގެ އޮނިގަނޑަށް ގެނައި ބަދަލާ އެކު އެސިސްޓެންޓު ގަވަރުނަރުގެ މަގާމު ވަނީ މެނޭޖިން ޑިރެކްޓަރުގެ މަގާމަށް ބަދަލު ކޮށްފަ އެވެ. އަދި އެ މަގާމަށް ފަސް މީހުން އައްޔަންކުރަން ނިންމައި މަގާމަށް ކުރިމަތިލާން ވަނީ ހުޅުވާލައިފަ އެވެ.

އެމްއެމްއޭ އިން މެނޭޖިން ޑިރެކްޓަރުން އައްޔަންކުރާ ދާއިރާތަކަކީ:

• 1- މަނިޓަރީ ޕޮލިސީ، ރިސާޗު އަދި ސްޓެޓިސްޓިކްސް

• 2- ފައިނޭންޝަލް ސްޓެބިލިޓީ

• 3- ކޯޕަރޭޓް ސާވިސަސް

• 4- ބޭންކިން އޮޕަރޭޝަންސް

• 5- ފައިނޭންޝަލް ސެކްޓާ ޑިވެލޮޕްމެންޓް

އެމްއެމްއޭ އަށް 5 އެމްޑީ އިން ހޯދާތީ ގިނަ ބަަޔަކު އަންނަނީ ސަރުކާރަށް ފާޑުކިޔަމުންނެވެ.