މެދުރާއްޖެތެރެއާއި ދެކުނުގެ އަތޮޅުތަކަށް ވައިޓް އެލާޓެއް ނެރެފިއެވެ.

މި އެލާޓް ދެމިއޮންނާނީ މިއަދު ހެނދުނު 7 ޖަހަންދެން ކަމަށް މޫސުމާ ބެހޭ ގައުމީ އިދާރާ (މެޓް) އިން ވަނީ ބުނެފައެވެ.

ބޯކޮށް ވާރޭވެހުމާއި ގުގުރުމުގެ ފުރުޞަތު އޮތްކަމަށް ވެސް މެޓް އޮފީހުން ވަނީ ބުނެފައެވެ.

އަދި ގަޑިއަކު 19 އާއި 24 މޭލުގެ ބާރުމިނުގައި ވައިޖެހުން އެކަށީގެންވާ ކަމަށާއި، ވިއްސާރައިގެ ތެރޭގައި ގަޑިއަކު 45 މޭލުގެ ބާރުމިނަށް ވައިގަދަވެދާނެ ކަމަށްވެސް ލަފާކޮށްފައިވެއެވެ.

މީގެ އިތުރުން ކަނޑުތައްވެސް ގަދަވާނެ ކަމަށް ބެލެވެއެވެ.

ކަނޑުދަތުރުފަތުރު ކުރާ ފަރާތްތަކަށް މޫސުމަށް ސަމާލުވުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.