ޓެކްސްތައް ރިވިއުކުރުމުގެ މަސައްކަތް ރޭވިފައި އޮތަސް އެއްވެސް ޓެކްސްއެއް ބޮޑުކުރުމުގެ ވިސްނުމެއް ނެތް ކަމަށް ފިނޭންސް މިނިސްޓަރު ޑރ. މުހައްމަދު ޝަފީގު ވިދާޅުވެއްޖެ އެވެ.

ޓެކްސް ބޮޑުުކުރުމުގެ ވާހަކަ ދެކެވިފައި ވަނީ ދައުލަތުގެ މީޑިއަމް ޓާމް ރެވެނިއު ސްޓްރެޓަޖީގައި ޖީއެސްޓީ އާއި ގްރީން ޓެކްސް އާއި އެހެން ޓެކްސްތައް ރިވިއުކުރަން ހިމަނާފައި އޮތުމުގެ ސަބަބުންނެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީގައި ވާހަކަދައްކަވަމުން ޝަފީގު ވިދާޅުވީ ސަރުކާރުން ބޭނުންވަނީ ޓެކްސްތައް އިތުރުކުރުމުގެ ބަދަލުގައި ޓެކްސް ދައްކާ ފަރާތްތައް ނުވަތަ ޓެކްސް ބޭސް އިތުރުކޮށްގެން ދައުލަތަށް ލިބޭ އާމްދަނީ އިތުރުކުރުން ކަމަށެވެ.

އެހެންނަމަވެސް ޑޮލަރުން ބައެއް ފީތައް ބޮޑުކުރަން ބޭނުންވާ ކަމަށް ޝަފީގު ކޮމިޓީގައި ވިދާޅުވި އެވެ.

މިކަން ކުރަން ހަމަޖެހިފައި ވަނީ 2026 ގައި ދައްކަން ޖެހޭ އެއް ބިލިއަން ޑޮލަރުގެ ދަރަނި އަދާކުރަން ބޭނުންވާ ފައިސާ ހަމަޖައްސެމައްޓަކައި އެވެ.

ޓެކްސް ބޮޑުު ކުރުމުގެ ވާހަކަ ފެންމަތިވުމާއި ގުޅިގެން ރައްޔިތުންގެ ނުރުުހުން ވަނީ ސަރުކާރަށް އަމާޒުވެފައެވެ. އެއީ ރައީސް މުއިއްޒު ވެރިކަމަށް އައުމުގެ ކުރިން ވަނީ އެއްވެސް ޓެކްސެއް ބޮޑު ނުކުރައްވާނެ ކަމަށް ވައުދުވެވަޑައިގެންފަ އެވެ.