މާލެއަށް އިއްޔެ ވާރޭ ވެހި ގެތަކަށް ފެން ވަދެ ލިބުނު ގެއްލުންތަކާ ގުޅިގެން 23 މީހަކު ވަގުތީ ހިޔާއަށް ބަދަލުކޮށްފައިވާ ކަމަށް މޯލްޑިވްސް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.

މާލެ އަށް 89.4 މިލިމީޓަރުގެ ވާރޭވެހުނު ކަމަށް މެޓް އޮފީހުގެ ތަފާސް ހިސާބުތަކުން ދައްކަ އެވެ.

ބޯ ވިއްސާރައިގައި މާލޭގެ މަގުތަކުގައި ފެން ބޮޑުވެ އެކި ކަހަލަ އެހީތެރިކަން ބޭނުންވެގެން 256 ފަރާތަކުން ރިޕޯޓްކުރި ކަމަށް އެންޑީއެމްއޭ އިން ވަނީ ހާމަކޮށްފައެވެ.

އަދި ދިރިނޫޅެވޭ ވަރުވެފައިވާތީ ފަސް އާއިލާއެއް ވަގުތީ ހިޔާއަށް ބަދަލުކޮށްފައިވާ ކަމަށް ވެސް އެ އޮތޯރިޓީން ވަނީ ބުނެފައެވެ. އެއީ 23 މީހެކެވެ.

ފެން ބޮޑުވެ، ނަރުދަމާގެ މައްސަލަތައް ދިމާވެގެން 12 ގެއަކުން ވެސް ވަނީނރިޕޯޓުކޮށްފަ އެވެ.