މާލެ ސިޓީ ކައުންސިލްގެ ސެކެރެޓަރީ ޖެނެރަލް އެ މަގާމުން ވަކިކޮށްފިއެވެ.
އޭނާ މަގާމުން ވަކިކުރަން ކައުންސިލަށް ހުށައެޅީ ޑެޕިއުޓީ މޭޔަރު އަހުމަދު ނަރީޝްއެވެ.
އޭނާ ހުށައެޅުއްވި މައްސަލާގައި ބުނީ ކައުންސިލްގެ އެސްޖީގެ ޒިންމާ ވަޖީހު ނަސީރު އަދާނުކުރުމުގެ ސަބަބުން ކައުންސިލްގެ މަސައްކަތް ހުއްޓޭ ހިސާބަށް ގޮސްފައިވާ ކަމަށެވެ.
އެގޮތުން ކައުންސިލަށް އަންނަ ސިޓީތަކަށް ޖަވާބުނުދެއްވުމާއި އަދި މައްސަލަތައް ހިމެނޭ މުވައްޒަފުން ވަކި ނުކުރުމާއި، ކައުންސިލުން އެކި ފަރާތަކަށް ދައްކަން ޖެހޭ ބިލުތަކަށް ފައިސާ ނުދެކުން ފަދަ ކަންކަން ވެސް އެސްޖީގެ މައްޗަށް ތުހުމަތުކޮށްފައިވެއެވެ.
ވަޖީހު ނަސީރު މަގާމުން ވަކިކުރީ ކައުންސިލްގެ މިއަދު ބައްދަލުވުމުގައި ނެގި ވޯޓްގެ މެޖޯރިޓީއިން ނަމަވެސް އެ ކަމުގައި ކައުންސިލް މެމްބަރުންގެ މެދުގައި ދެބަސްވުން އުފެދި މައްސަލަ ވަރަށް ހޫނުވެގެން ދިޔައެވެ.
