މިއަދު ކުރިޔަށް ގެންދިޔަ ޕީޕީއެމް/ޕީއެންސީގެ މަޖިލިސް އިންތިޚާބުގެ ޕްރައިމަރީގައި މެދު ހެންވެއިރު ދާއިރާގައި ވޯޓު ގަޑުބަޑުކުރިކަމުގެ ތުހުމަތުކޮށްފިއެވެ.
-ޚަބަރު-
މިއަދު ކުރިޔަށް ގެންދެވުނު ކޯލިޝަންގެ ޕްރައިމަރީގައި ވޯޓު އޮޅުވާލައިފާ ވާކުމުގެ ތުހުމަތުތަކެއް ފެންމަތިވެފައިވާކަމަށް ސޯޝަލް މީޑިޔާގައި ގިނަ ފަރާތްތަކުން އަންނަނީ ބުނަމުންނެވެ.
މި ވޯޓު ފޮށި ސަރަހައްދުގައި ހަމަނުޖެހުން ހިންގަމުންދާކަމަށް ފުލުހުންނަށް މައުލޫމާތު ލިބުމުން ފުލުހުން ވަނީ އެ ސަރަހައްދުގައި ހަރަކާތްތެރިވެފައެވެ.
މި ވޯޓު ފޮށި ބެހެއްޓިފައިވަނީ ކަލާފާނު ސްކޫލްގައެވެ.
މިއަދު ކުރިޔަށް ގެންދިޔަ މި އިންތިޚާބުގައި އެކި އެކި ދާއިރާ ތަކުގެ ވޯޓު ފޮށިތަކުގައި ވަނީ ހަމަނުޖެހުންތަކެއް ހިނގާފައެވެ.
އެގޮތުން ހުޅުމާލޭ ދެކުނު ދާއިރާވެސް ހިމެނެއެވެ.
އިންތިޚާބު ބޭއިންސާފުން ކުރިޔަށް ގެންދިޔަ ކަމަށް ބުނެ ގިނަ ފަރާތްތަކުން އަންނަނީ އެ ކޯލިޝަނަށް ފާޑުކިޔަމުންނެވެ.
