ކުރިއަށް އޮތް ދެ ދުވަހު ވެސް މޫސުން ގޯސްވާނެ ކަމަށް މޫސުމާ ބެހޭ ގައުމީ އިދާރާ (މެޓް) އިން ލަފާކޮށްފިއެވެ.
މެޓް އޮފީހުން ބުނީ މިއަދާއި މާދަމާ މޫސުން ގޯސްވި ނަމަވެސް އަންނަ އާދިއްތަ ދުވަހުން ފެށިގެން މޫސުން ރަނގަޅުވާން ފަށާނެ ކަމަށެވެ.
އެހެން ނަމަވެސް އަންނަ ހަފްތާވެސް ބައެއް ވަގުތުތަކުގައި ތަންކޮޅެއް ވައިގަދަވާނެ ކަމަށް މެޓް އޮފީހުން ވަނީ ލަފާކޮށްފައެވެ.
ވައިގަދަވެ އުތުރާއި މެދުރާއްޖެ ތެރޭގެ އަތޮޅުތަކަށް 18 މޭލާއި 28 މޭލަށް ވައި ޖެހޭނެ ކަމަށާއި ދެކުނުގެ އަތޮޅުތަކަށް 15 މޭލާއި 25 މޭލަށް ވައިޖެހޭނެ ކަމަށް މެޓް އޮފީހުން ވަނީ ބުނެފައެވެ.
އަދި ކަނޑުތައް ގަދަވާނެ ކަމަށްވެސް މެޓް އޮފީހުން ވަނީ ބުނެފައެވެ.
