ހެދިކާއެއްގެ ތެރޭގައި އޮތް ފުޅިތޮށިގަނޑަކުން ކުޑަ ކުއްޖަކު ޒަހަމްވެއްޖެއެވެ.

މިކަން ހިނގާފައިވަނީ އިއްޔެ ގދ. ތިނަދޫގައެވެ. މި ހާދިސާގައި ޒަޚަމްވި ކުޑަ ކުއްޖާގެ އަނގައިގެ ކަނާތު ފަޅީގެ ތިރީ ހިރުގަނޑާ ދިމާލުން ވަނީ ބޮޑުތަނެއް ކަފައިގެން ގޮސްފައިކަން ތޭރަ އޮންލައިނަށް މައުލޫމާތު ލިބިފައިވެއެވެ.

މިކަމަ ގުޅިގެން އެކުއްޖާގެ އާއިލީ މީހަކު ފޭސްބުކްގައި ކުރި ޕޯސްޓެއްގައި ބުނެފައިވަނީ، އިއްޔެ ހަވީރު، ތިނަދޫ ސުމަން ފިހާރައިން ގަތް ހެދިކާ ކޭއިރު، ފުޅިތޮށިގަނޑެއް އަނގައަށް ވަދެ، ކޮއްކޮގެ އަނގައިގެ އެތެރެ ކަފައިގެން ގޮސްފައިކަމަށެވެ. އަދި އެތަނަކީ އެ ރަށު ވަރަށް ގިނަ މީހުން ހެދިކާ ގަންނަ ތަނެއްކަން ފާހަގަކޮށް ބުނެފައިވަނީ ހެދިކާ ވިއްކާއިރު ސާފުތާހިރު ކަމަށް ބަލަން ޖެހޭ ކަމަށެވެ.

މިކަމާ ގުޅިގެން ތޭރަ އޮންލައިނަށް މައުލޫމާތު ދދެމުން އެ ރަށު މީހަކު ބުނެފައިވަނީ އެ ކުއްޖާއަށް މުށިގަނޑު ކެވުނީ ބިސް ކީމިޔާއެއްގެ ތެރެއިން ކަމަށެވެ.

ކުއްޖާގެ އަނގަޔާއި އެ މުށިގަނޑު ވެސް ފޭސްބުކުގައި ހިއްސާ ކޮށްފައެވެ. މުށިގަނޑު ކެވުމުގެ ސަބަބުން އަނގަ ހަލާކުވި ކުއްޖާއަށް ހޮސްޕިޓަލުގައި ފަރުވާ ދިނުމަށްފަހު މިހާރު ވަނީ ދޫކޮށްލާފައިވާ ކަމަށް ވެސް ވަނީ މައުލުމާތު ލިބިފައެވެ.

މައުލޫމާތު ލިބިފައިވާ ގޮތުގައި ހެދިކާ ގަނެފައިވަނީ އެރަށުގެ "ޝޮޕް ކޮކީ" ނަމަކަށް ކިޔާ ފިހާރައަކުންނެވެ. އެފިހާރައިގައި ވިއްކަނީ އެރަށު ފޯޓައިމް ކެފޭގައި ހަދާ ހެދިކާ ކަމަށްވެސް ވަނީ މައުލޫމާތު ލިބިފައެވެ.

މިހާދިސާ ހިނގުމުން ފުލުހުން ގޮސް އެ ކެފޭ ބަންދު ކޮށްފައިވެއެވެ.