ހއ އަތޮޅުން ފެށިގެން ވ އަތޮޅަށް މޫސުމާ ބެހޭ ގައުމީ އިދާރާ (މެޓް) އިން ރީނދޫ ސަމާލު ނެރެފި އެވެ.

މެޓް އޮފީހުން މި އަތޮޅުތަކަށް ރީނދޫ ސަމާލު ނެރެފައި ވަނީ މެންދަމު 2 އަކުން ފެށިގެން ހެނދުނު 7 ޖަހަންދެންނެވެ.

މި ވަގުތުތަކުގައި، ގަޑިއަކު 25 މޭލާ 30 މޭލާ ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ވަރަށް ގަދަވާނެ ކަމަށް ވެސް މެޓުން ވަނީ ލަފާކޮށްފަ އެވެ.

މި ދުވަސްވަރު ރާއްޖެ އަށް ކުރަމުންގެންދާ ވިއްސާރާގައި ގުގުރުމާއެކު ބޯކޮށް ވާރޭ ވެހި ރާއްޖޭގެ ގިނަ ހިސާބުތަކުގައި އަންނަނީ ފެންބޮޑުވެ ބޮޑެތި ގެއްލުން ވަމުންނެވެ.