ރާއްޖެއަށް މިހާރު ކުރަމުން އަންނަ ވިއްސާރައާ ގުޅިގެން ރާއްޖޭގެ ހުރިހާ ހިސާބަކަށް ނެރުނު ހުދު ސަމާލުގެ ވަގުތު ދަންމާލައިފިއެވެ.

މެޓް އޮފީހުން ކުރިން ހުދު ސަމާލު ނެރުނީ ހއ. އަތޮޅުން ފެށިގެން އައްޑޫ ސިޓީއާ ހަމައަށް މެންދުރު 12:00އަށެވެ. އޭގެ ފަހުން އެ އިދާރާއިން ވަނީ މިއަދު މެންދުރު 12:00އާ ހަމައަށް ނެރުނު ސަމޅާު މިއަދުގެ އިރުއޮއްސި 6:00 އާ ހަމައަށް ދަންމާލާފައެވެ.

ހުދު ސަމާލުގައި ވަނީ އެ ސަރަހައްދަށް ބޯކޮށް ވާރޭ ވެހުމާއެކު، ގުގުރާނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކޮށްފައިވެއެވެ.

މިއަދު މޫސުން ގޯސް ނަމަވެސް މާދަމާއިން ފެށިގެން މޫސުން ރަގަޅުވެ ވިއްސާރަ އަލިވާން ފަށާނެ ކަމަށް މެތޫން ކުރިން ހާމަކޮށްފައިވެއެވެ.

މިހާރު ކުރަމުންދާ ހުލަނގު މުސުމުގެ ވިއްސާރަ ގަދަވެ، ބޯކޮށް ވާރޭ ވެހުމުގެ ސަބަބުން ފެން ބޮޑުވެ، މާލެއިން 37 ގެއަކާއި 13 ރަށަކުން 77 ގެއަކަށް ގެއްލުންވިއެވެ.