"އަދަދު" ނޫހުން ބޭނުންކުރެވޭ ޑޮލަރުގެ ރިޒަރވް ހުސްވެއްޖެ ކަމަށް ބުނެ ޚަބަރު ޝާއިއު ކުރުމުން މަރުކަޒީ ބޭންކު (އެމްއެމްއޭ) އިން ރިޒަރވް ހުސްނުވާ ކަމަށް ބުނެ ދޮގު ބަޔާނެއް ނެރެފިއެވެ.
އެމްއެމްއޭ އިން މި ބަޔާން ނެރެފައި ވަނީ ރައީސް ޑރ މުހައްމަދު މުއިއްޒުގެ އަމުރުގެ ދަށުންނެވެ.
އަދަދު ނޫހުން ޑޮލަރުގެ ރިޒާވް ހުސްވެއްޖެކަމަށް ޝައިއުކޮށްފައިވާއިރު "ތޭރަ އޮންލައިން" އަށް އެމްއެމްްއޭގެ އިސް ފަރާތެއް ވަނީ މިކަން ކަށަވަރު ވެސް ކޮށްދެއްވާފަ އެވެ.
އިކޮނޮމިކް މިނިސްޓަރ މުހައްމަދު ސައީދު މިވަގުތު ޕްރެޝަރުގައި ހުންނަވާ އެމްއެމްއޭގެ އިސްފަރާތްތަކަށް ފޯނުކުރަމުން ގެންދާކަމަށް ވެސް ވަނީ މައުލޫމާތު ލިބިފަ އެވެ.
އެމްއެމްއޭ އިން އެންމެ ފަހުން އާންމުކުރި ތަފާސްހިސާބުތަކުން ދައްކާ ގޮތުގައި މިދިޔަ މަސް ނިމުނުއިރު ބޭނުންކުރެވޭ ޑޮލަރު ރިޒާވުގައި ހުރީ 43 މިލިއަން ޑޮލަރުކަން ފާހަގަކޮށްލެވެ އެވެ.
