ރައްޔިތުންނަށް ހިތި ބޭސް ބޯންދޭން ސަރުކާރުން މަސައްކަތްކުރަމުންދާއިރު، އޭގެ ކުރިން ސަރުކާރުގެ ފިސިކަލް ޑިސިޕިލިން އެކްސަރސައިޒް ކުރަން ޖެހޭ. ސަރުކާރުން ކުރަން ޖެހޭ ކަންތައްތަކެއް ނުކޮށް ރައްޔިތުން ހިތިބޭސް ބޯންޖެހޭ ވާހަކަ ދެއްކުމަކީ ޒިންމާދާރު ވާހަކަ އެއް ނޫން. ރައްޔިތުންނަށް މިހާ ބޮޑެތި ސޯޝަލް ކޮންޓްރެކްޓުތަކެއް ވެގެން އައިސް މިގޮތަށް ކެހިދިނީމަ އެއީ ބޮޑު މައްސަަލައެކޭ. ދެން އިގްތިސޯދުގައި ހުރި ބޮޑެތި މައްސަލަތަކުގެ ވާހަކަ ދައްކާއިރު، އަޅުގަޑުމެން ކިޔާ އަދަދުގައި ކޮންމެވެސް ވަރެއްގެ ތަފާތެއް ހުރެދާނެ. އެއީ ސާފު އަދަދުތައް އެމްއެމްއޭގެ ހިސާބުން ނުފެންނާތީ އަދި މިނިސްޓްރްީ އޮފް ފިނޭންސުން އެޕަބްލިޝްކުރަމުން ނުގެންދާތީ. މިހާރު ދެން އެމްއެމްއޭއިން ވެސް އެކަން ރަގަޅު ކުރައްވައިފި. އެކަން ރަގަޅު ކުރައްވާފައި މިހެއްދެވި ގޮތަކީ، އެމްއެމްއޭއަށް ފަސް މެނޭޖިން ޑިރެކްޓަރުން އެބަ ނަގާ. ކޮންމެ މީހަކު 50000 ރުފިޔާއަށް ވުރެ ބޮޑު މުސާރައިގައި. ދެން އެހެންވީމަ އެމްއެމްއޭގައި މިހުރިހާކަމެއް ރަގަޅުވެގެން ދާނެ. އެކަމަކު މިއީ ކުޑަ ކުޑަ ދިވެހިރާއްޖެ. އެމްއެމްއޭއަކީ ތިވަރުގެ ސޮފިސްޓިކޭޓެޑް ބިއުރޮކްރެސީ އެއް އޮންނަން ޖެހޭ ތަނެއް ނޫން. ދެން ފަސް މެނޭޖިން ޑިރެކްޓަރުން ނަގާފައި މިހާ ބޮޑެތި މަސައްކަތްތަކެއް ކުރީމަ ދެން އަޅުގަޑު ކައިރިގައި ވެސް ފިނޭންސް މިނިސްޓަރަކަށް ހުންނެވި ބޭފުޅެއް ގަވަރުނަރަކަށް ހުރުމުން އަޅުގަޑު ހަމަ އޭނައަށް ދަންނަވާލާނަން އަލުން ރީ-ކޮންސިޑާރ ކުރައްވާށޭ. ތީ ކޮންއުޅޭ ޒާތު ކަންތަކެއް ނޫން ތިކުރަނީ އަކީ. ދިވެހި ދައުލަތް މިއޮތީ ތިހާ ތަނަވަސް ހިސާބަކު ނޫން. އެހެންވީމަ ތީ ޒިންމާދާރުކަމާ އެކު ކުރެއްވޭ ކަމެއް ނޫން.