ކުދި އަދި އޮންލައިން ވިޔަފާރިވެރިން ސަރުކާރާ ދެކޮޅަށް އިހުތިޖާޖަށް ނުކުންނަން ތައްޔާރިތައް ފަށާފައިކަމަށް މައުލޫމާތު ލިބިއްޖެއެވެ.

ތޭރަ އޮންލައިނަށް މައުލޫމާތު ލިބިފައިވާ ގޮތުގައި ކުދި އަދި އޮންލަން ވިޔަފާރިވެރިން އިހުތިޖާޖަށް ނުކުންނަން ނިންމާފައިވަނީ، އެ ވިޔަފާރިތަކުން ޖީއެސްޓީ ނަގަން ސަރުކާރުން ނިންމުމާ ގުޅިގެންނެވެ.

އެގޮތުން ދިވެހިން އާންމުކޮށް އޮންލައިންކޮށް ވިޔަފާރިކުރާ ”ޝެއިން“ އާއި ”އަލިއެކްސްޕްރެސް“ ފަދަ ވިޔަފާރިއަކުންންނާއި ނެޓްފްލިކްސް ފަދަ ސްޓީރިމިން ޚިދުމަތްތަކުންވެސް ޖީއެސްޓީ ނެގޭ ގޮތަށް އަންނަ އަހަރުގެ ވަކި ހިސާބަކުން ޖީއެސްޓީ ނިޒާމު ޑެސްޓިނޭޝަން ޕްރިންސިޕަލްއަށް ބަދަލުކުރަން ސަރުކާރުން ނިންމާފައި ނިންމުމާ ދެކޮޅަށް އަޑު އުފުލަން ނުކުންނަން މިހާރު ދަނީ ތައްޔާރުވަމުންނެވެ.

ޑެސްޓިނޭޝަން ޕްރިންސިޕަލްއަށް ބަދަލުކުރުމުން މި ޚިދުމަތްތައް ބޭނުންކުރާނަމަ ރާއްޖޭގައި މުދަލާއި ޚިދުމަތުން ނަގާ އަށް ޕަސެންޓު ޖީއެސްޓީ ދައްކަން ޖެހޭނެއެވެ.

މީގެ އިތުރުން ގެސްޓުހައުސްތަކާއި ހޮޓާތަކާއި ރިސޯޓުތައް ބުކް ކުރަން ބޭނުންކުރާ ”ބުކިން“ އާއި ”އަގޯޑާ“ފަދަ ސައިޓުތަކުން ޓީޖީއެސްޓީ ކަނޑައެޅިފައި އޮންނަ 16 ޕަސެންޓު ރޭޓުގައި ޓެކްސް ދައްކަން ޖެހޭނެ އެވެ.

އަލިއެކްސްޕްރެސް އާއި ޝީން ފަދަ އޮންލައިން ޕްލެޓް ފޯމް ތަކުން އަމިއްލަ ބޭނުމަށާއި ވިޔަފާރިއަށް ރާއްޖޭގެ ވަރަށް ގިނަ ބަޔަކު އެކި ބާވަތުގެ ތަކެތި ގަނެހަދައެވެ.