މީޑީޔާތަކާ ގުޅިގެން އެންމެ ގިނަ ޝަކުވާ ހުށަހެޅީ، މީޑިޔާގެ މިނިވަންކަމަށް އަރައި ނުގަންނާނެ ކަމަށް ވިދާޅުވި ރައީސްގެ އޮފީހުންކަން ހާމަވެއްޖެއެވެ.
މިކަން ހާމަވެފައިވަނީ، މޯލްޑީވްސް މީޑިއާ ކައުންސިލް އިން އާންމު ކުރި ތަފާސް ހިސާބުތަކުންނެވެ. އެގޮތުން ބުދަ ދުބަހު އެމްއެމްސީއިން އާންމުކުރި ތަފާސް ހިސާބުތަކުން ދައްކާ ގޮތުގައި، ރާއްޖޭގެ މީޑިއާ ތަކާ ގުޅިގެން ޖުމްލަ 79 ޝަކުވާއެއް ހުށަހަޅާފައިވެއެވެ. އޭގެ ތެރެއިން 74 ޝަކުވާއަކި މީޑިޔާއަށް މިނިވަންކަން ދުވަހަކުވެސް ނުލިބޭ މިންވަރަށް މިނިވަންކަން ދޭނެކަމުގެ ވައުދާއެކު އައި ރައީސް މުހައްމަދު މުއިއްޒު އިންނަވާ އެމަނިކުފާނުގެ އޮފީސްކޮޅުން ހުށަހަޅާފައިވާ ޝަކުވާކަން ހިސާބުތަކުން ހާމަވެއެވެ.
ރައީސް ޑރ. މުހައްމަދު މުއިއްޒުގެ ސަރުކާރަކި މީޑިޔާތކުގެ ބްލެކް ލިސްޓެއް ނުގެންގުޅޭނެ ކަމަށާ ހުރިހާ މީޑީޔާތަކެއް ހަމަހަމަ ކުރާނެކަމުގެ ވައުދާއެކު އައި ސަރުކާރެއް ނަމަވެސް މި ސަރުކާރުން ގެންދަނި މައުލޫމާތު ހޯާ ލިބިގަތުމުގައި ބައެއް މީޑިޔާތަކަށް ހުރަސް އަޅާ މައުލޫމާތު ފޯރުކޮށްދިނުމުގައި ފަހަތު ފަޔަށް ބުރަވަމުންކަން ފާހަގަކޮށްލެވެއެވެ.
އެގޮތުން ގާނޫން ލިބިދޭ ހައްގެއް ކަމަށްވާ އާރުޓީއައިއަށް ވެސް ޖަވާބު ނުދީ ރައީސް އޮފީހުން ގާނޫނާ ޚިލާފުވެގެން އެތައް ފަހަރެއްގެ މަތިން އިންފޮމޭޝަން ކޮމިޝނަރުގެ އޮފީހުން މައްސަލަ ތާވަލުްކޮށް އަޑު އެހުންތަކަށް ހާޒިރުނުވުމުން ރައީސް އޮފީހާ މެދު ފިޔަވަޅު އަޅަން ނިންމާފައިވެއެވެ.
