މާލެއަށް މިއަދު ކުރަމުންދާ ވިއްސާރައިގައި ބޯކޮށް ވާރޭ ވެހުމުގެ ސަބަބުން ފެން ބޮޑުވެ ގެއްލުންތައް ދިމާވަމުންދާތީ އެމްއެންޑީއެފް އިން ފެން ހިންދުމުގެ މަސައްކަތް ކުރަމުންދެއެވެ.

މިގޮތުން، އައިޖީއެމްއެޗް ސަރަހައްދާއި، ވެސްޓް ޕާކް ސަރަހައްދުގައި ފެން ހިންދުމުގެ މަސައްކަތް މިހާރުވެސް ދަނީ ކުރަމުންނެވެ.

ބޯކޮށް ވާރޭ ވެހި ފެންބޮޑުވުމުގެ ސަބަބުން ބައެއް ގެތަކަށް ފެންވަދެ ގެންގުޅޭ ސާމާނުތަކަށް ގެއްލުން ލިބެމުންދާކަމުގެ ޝަކުވާތައްވެސް ދަނީ ލިބެމުންނެވެ.

ވިއްސާރަ ދުވަސްކޮޅަކީ މާލޭ ބައެއް ސަރަހައްދުތަކުގައި ދިރިއުޅޭ ފަރާތްތަކަށް ބޮޑު ތަކުލީފަކަށް ވަނީ ވެފައެވެ.

ފެންބޮޑުވެ ދިމާވާ ހާދިސާތަކުގައި އެމްއެންޑީއެފްގެ އެހީތެރިކަން ރައްޔިތުންނަށް އަބަދުވެސް ލިބެމުންދާކަން ފާހަގަކުރެވެއެވެ.