ގައުމުގެ ވެރިމީހާ ކަމަށް ހުވާ ކޮށްގެން ހުންނެވީ ޑރ މުއިއްޒު ނަމަވެސް ފެނިގެންދަނީ އަދުރޭ ވެރިކަން ކުރައްވަމުން ގެންދަވާ މަންޒަރު ކަމަށް ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް އެކްސްގައި ކުރެއްވި ޕޯސްޓެއްގައި ބުނެފައިވަނީ އަދުރޭ ހިތް ނޭދޭ ގޮތަށް މުއިއްޒުއަށް އެއްވެސް ފިޔަވަޅެއް އަޅަން ކެރިވަޑައިނުގަންނަވާ ކަމަށެވެ.
މުޅި ސަރުކާރުގައި އޮތީ އަދުރޭގެ ދެފައި ކަމަށާއި މި ސަރުކާރުގެ އިސް މަގާމުތަކަށް މީހުން ހޮވަނީވެސް އަދުރޭގެ އެޕްރޫވަލް ދޭ މީހުންނަށް ކަމަށް މަލީހް ސިފަކުރެއްވިއެވެ.
މަލީހު މިފަދައިން ވިދާޅުވެފައިވާއިރު، ހުސްވެފައިވާ ޕީޖީގެ މަގާމަށްވެސް އަދުރޭގެ ގާތް މީހެއް ގެންނަން އުޅޭ ކަމަށް މިހާރު ވަނީ ވަރަށް ބޮޑަށް އަޑު ފެތުރިފައެވެ.
މަޖިލިސް މެންބަރުންނަށްވެސް މުލިއާގެއަށް ވުރެ މުރައިދޫގެ މުހިއްމު ކަމަށް ފާހަގަކުރައްވާ ގައުމުގެ ހިންގަންވާ ޕްރޮޖެކްޓްތައްވެސް ނިންމަނީ އަދުރޭކަމަށް މި ޕޯސްޓްގައި ބުނެފައިވެއެވެ.
މުއިއްޒު އަކީ އަދުރޭގެ ޕަޕެޓެއްގެ ގޮތުގައި ގިނަ ބަޔަކު އަންނަނީ ސިފަކުރަމުންނެވެ.
