ގެއްލުނު "އަކިރިސް" ބޯޓު އެމްއެންޑީއެފުން ހޯދައިފި އެވެ.

އަކިރިސް ބޯޓު ގެއްލުނީ ބުރާސްފަތި ދުވަހުގެ ފަތިހުއެ.އެވެ. އެގޮތުން ލ/ އަތޮޅުން ފުރައިގެން މާލެއަސް ދަތުރުކުރަުން އައި އެ ބޯޓު ގެއްލުނުއިރު ދަތުރުކުރަމުން ދިޔައީ އެއަތޮޅު އިސްދުއާ ދިމާ ބޭރުން މ އަތޮޅާ ދިމާލަށެވެ. އޭގެ ފަހުން ޖީޕީއެސް އިން ބޯޓެއް ނުދައްކައެވެ. އަދި ބޯޓުގެ ފަޅުވެރިއަކަށް ވެސް ނުގުޅެއެވެ.

އެމްއެންޑީއެފުން ބުނީ އަކިރިސް ބޯޓު ގެއްލުނު ކަމުގެ ރިޕޯޓު ލިބުނީ ރޭ 7:10 ހާއިރު ކަމަށެވެ. ސިފައިންނަށް އެ ބޯޓު ފެނުނީ މިއަދު ހެނދުނު 8:50 ހާއިރު، މ. ރަތްމަންދޫގެ އިރުން 22 ނޯޓިކަލް މޭލު ބޭރުންނެވެ. ފެނުނުއިރު ބޯޓުގެ އިންޖީނު ހުއްޓިފައިވާ ކަމަށްވެސް ހާމަކޮށްފައިވެއެވެ.

އެމްއެންޑީއެފުން ބުނީ އެ ބޯޓުން ދަތުރު ކުރި ހުރިހާ އެންމެންގެ ހާލު ވެސް ރަނގަޅު ކަމަށެވެ.

އަކިރިސް ބޯޓު ގެއްލުނުއިރު، އެ ބޯޓުގައި ދެ ދިވެހީންނާއި 12 ބިދޭސީން ތިއްބެވެ. އެ ބޯޓު ހޯދީ އެމްއެންޑީއެފް ސެންޓްރަލް އޭރިއާ ކޮމާންޑު، ކޯސްޓުކާޑު ތާޑު ސްކޮންޑްރަންގެ ފާސްޓް އިންޓަސެޕްޓާ ކްރާފްޓަ "މާފަތް" އިންނެވެ.