ރައީސް އަބްދުﷲ ޔާމީންގެ ވަރގަދަ ޗެލެނެްޖެއް، ރައީސް ޑރ. މުހައްމަދު މުއިއްޒުގެ ސަރުކާރަށް އަމާޒުކުރައްވައިފިއެވެ.

ރައީސް ޔާމީން އަލަށް އުފައްދަވާ ޕާޓީ ޕީޕަލްސް ނެޝަނަލް ފްރޮންޓް (ޕީއެންއެފް)ގެ ޓިކެޓުގައި ރައްޔިތުންގެ މަޖިލީހަށް ނުކުންނަން ޝައުގުވެރިކަން ފާޅުކުރައްވާފައިވާ ކެންޑިޑޭޓުން ތައާރަފްކުރުމަށް ބާއްވަމުން ގެންދާ ސިލްސިލާ ޖަލްސާތަކުގެ ތެރެއިން އާދިއްތަ ދުވަހުގެ ރޭ ބޭއްވި ޖަލްސާގައި، އުނގޫފާރު ދާއިރާއަށް ނުކުތުމަށް ޝައުގުވެރިކަން ފާޅުކުރައްވާފައިވާ، މިހާރު ރ.އަތޮޅު ކައުންސިލްގެ ރައީސް ހުސެއިން ނާސިފްއާ ރައީސް ޔާމީންގެ ފަރާތްޕުޅުން ވަނީ ސުވާލުތަކެއް އަމާޒުކުރައްވާފައެވެ.

އެގޮތުން އަމާޒުކުރެއްވި ސުވާލުތަކުގެ ތެރެއިން ރައީސް ޔާމިން ވަނީ ސަރުކާރަށް އެމަނިކުފާނަށް ލުއި ދެއްވާ މަޖިލިސް އިންތިހާބަށް ކެމްޕެއިންކުރުމަށް ވީއްލާލަން ކެރިދާނެކަމަށް ގަބޫލުކުރެވޭތޯ އައްސަވާފައެވެ.

ބެލެވޭ ގޮތުގައި މިއީ ރައީސް ޔާމީން އެމަނިކުފާނު ގެންނެވި ސަރުކާރަށް އަމާޒުކުރެއްވި އިމްތިހާނީ ޗެލެންޖެކެވެ.

ރައީސް ޔާމީންގެ ހިތްޕުޅުގެ އާދޭހެއް ޗެލެނެްޖެއްގެ ގޮތުގައި ސަރުކާރަށް ދޫކޮށްލެވިއިރު އެމަނިކުފާނު ވަނި ދެ ލުޔަކަށް މި ސަރުކާރުގައި އެދިވަޑައިގެންފައިކަން ފާހަގަކޮށްލެވެއެވެ. ނަމަވެސް އެމަނިކުފާނު އެތައް ގުރުބާނީ އެއް ވެވަޑައިގެން ގެންނެވި ސަރުކާރުން ވަނީ ގާނޫނީ ފުށު އެރުންތައް އެބަހުރި ކަމަށް ވިދާޅުވެ އެ ލުއިތައް ދިނުމަށް އިންކާރުކޮށްފައެވެ.