ގައުމީ ދުވަހު ކުރީގެ ރައީސް މައުމޫނު އަބްދުލްގައްޔޫމު ދެރަފުޅުވެވަޑައިގެންނެވީ ދުވަހާ ގުޅުންވެސް ނެތް ކަމަކާކަން ހާމަވެއްޖެއެވެ.
ދިވެހިރާއްޖޭގެ 81 ވަނަ ގައުމީ ދުވަހުގެ މުނާސަބަތުގައި ބޭއްވި ރަސްމިއްޔާތުގެ ކަންކަން ފާހަގަކުރައްވާ ރައީސް މައުމޫނު އެކްސްގައި ކުރެއްވި ޕޯސްޓެއްގައި ވިދާޅުވީ، ޤައުމީ ދުވަހުގެ ރަސްމީ ޖަލްސާގައި ދިވެހި ވަންތަކަމަށްޓަކާ ފަޚުރުވެރިވާން ޖެހޭ ވަރަށް ގިނަ ކަންތައްތަކެއް ފެނުމުން ވަރަށް އުފާފުޅު ވެވަޑައިގެންނެވި ކަމަށެވެ.
ހަމަ އެއާއެކު ވަރަށް ގިނަ ފިރިހެން ބޭފުޅުން ރައީސުލް ޖުމްހޫރިއްޔާގެ އަނބިކަނބަލުން މެޑަމް ސާގިދާ މުހައްމަދުއާ ސަލާމް ނުކުރެއްވުމުން އެމަނިކުފާނު ވަރަށް ދެރަފުޅުވަޑައިގެންނެވިކަމަށް ވެސް ރައީސް މައުމޫނު ވިދާޅުވިއެވެ.
ނަމަވެސް އިސްލާމީ ވަހުދަތު ދަމަހައްޓަން އޮތް 100 އިން 100 ގައުމެއްގައި ރައީސްގެ އަނބިކަނަބަލުން ފިިރިހެނުންނާ ސަލާމް ކުރުމަކީ އެއީ ރިވެތި އުސޫލެއް ނޫންކަމަށް ގިނަ ބަޔަކު ގެންދަނީ ބުނަމުންނެވެ.
މެޑަމް ސާޖިދާ މުހައްމަދު ރިޔާސީ ކެމްޕެއިންގެ ދުވަސްވަރުއާ އަދި ވެރިކަން އައި ފަހުންވެސް އެކި ހަފްލާތަކުގައާ އަދި އެކަމަނާގެ އިސްތިގުބާލަށް އެކި ރަސްމިއްޔާތުތަކުގައި ނުކުމެ ތިއްބަވާ ފިރިހެން ބޭފުޅުންނާ ސަލާމް ކުރައްވައެވެ. މިއަދުގެ ރަސްމިއްޔާތުގައި ވެސް އެކަމަނާ ބައެއް ފިރިހެން ބޭފުޅުންނާ ސަލާމް ކުރެއްވިއެވެ.
