މާޅޭ ގެއެއްގައި އަލިފާނުގެ ޙާދިސާއެއް ހިނގައިގެން ސިފައިން ހަރަކާތްތެރިވާން ފަށައިފިއެވެ.
އެމްއެންޑީއެފްގެ މީޑިޔާ އޮފިޝަލް މީޑިޔާތަކަށް ފޮނުއްވި މެސެޖެއްގައި ވިދާޅުވީ، މއ.އޮލިވީނާގޭގެ ތިންވަނަ ފަންގިފިލާގައި އަލިފާނުގެ ހާދިސާއެއް ހިނގައިގެން އުޅޭ ކަމަށާ އަލިފާން ނިއްވުމުގައި އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ދަނީ ހަރަކާތްތެރިވަމުންކަމަށެވެ.
މިކަމާ ގުޅިގެން އިތުރު މައުލޫމާތު ދެއްވަމުން އެމްއެންޑީއެފުން ހާމަކޮށްފައިވާ ގޮތުގައި އަލިފާން މިހާރު ވަނީ ނިއްވާލެވިފަައެވެ. އަދި މީހަކަށް އަނިޔާއެއް ލިބުނުކަމުގެ ރިޕޯޓެއް މިހާތަނަށް ލިބިފައިނުވާކަމަށް ވެސް ވަނީ ހާމަކޮށްފައެވެ.
އަލިފާން ރޯވީ 3 ވަނަ ފަންގިފިލާގައި ހުރި ޔޫރޯ ސްޓޯރު ގުދަނުގައި ކަރަންޓްބޯޑެއްގައި ކަމަށްވެސް ވަނީ މައުލޫމާތު ދެއްވާފައެވެ.
