ހުޅުމާލޭގައި ރޭ ހިނގި ނުރައްކާތެރި އެކްސިޑެންޓެއްގައި ޒުވާނަކު ނިޔާވެއްޖެއެެވެ.
މައުލޫމާތު ލިބުނުގޮތުގައި އެކްސިޑެންޓު ހިނގައިފައިވަނީ ސެންޓްރަލް ޕާކު ކައިރީ ހުންނަ އުރީދޫ އިމާރާތް ކުރިމަތިންނެވެ.
އެކްސިޑެންޓުވީ ބާރު ސްޕީޑުގައި ދުއްވައިފައި ދިޔަ ސްޕޯޓްސް ކާރެއްގައި ސައިކަލެއް ޖެހިގެންނެވެ. މައުލޫމާތު ލިބުނުގޮތުގައި ސައިކަލު ދުއްވަން އިނީ ދިވެހި ޒުވާން ފިރިހެނެކެވެ. އަދި އޭނާ އަކީ ކަރެކްޝަން އޮފިސަރެކެވެ.
އަދި ކާރު ދުއްވަން އިން މީހާގެ ލައިސެންސެއް ނެތް ކަން ވެސް ވަނީ އެނގިފައެވެ.
ސައިކަލު ދުއްވަން އިން ޒުވާނާގެ ބޮލަށް ވަރަށް ބޮޑެތި އަނިޔާތަކެއް ވަނީ ލިބިފައެވެ. ހަމަ އެ ވަގުތު އޭނާ ހުޅުމާލޭ ހޮސްޕިޓަލަށް ގެންދެވުނެވެ.
އެހެންނަަމަވެސް އޭނާ ވަނީ ނިޔާވެފައެވެ.
