މެދު ރާއްޖެތެރެއާއި ދެކުނަށް ކެރީގެ އަސަރު ފޯރައި ގުގުރުން އެކަށީގެންވާ ކަމަށް ގައުމީ މޫސުމާ ބެހޭ އިދާރާ (މެޓް) އިން ހާމަކޮށްފިއެވެ.
މިއަދުގެ އިރު އޮއްސި 6 ޖެހުމާ ހަމައަށް މެޓް އިން މޫސުން ލަފާކޮށްފައިވާ ގޮތަށް ބަލާއިރު މެދު ރާއްޖެތެރެއާއި ދެކުނުގެ ބައެއް ރަށްތަކަށް ކެރީގެ އަސަރު ކުރާނެ ކަމަށް ބުނެފައިވެއެވެ. އަދި ގުގުރުން އެކަށީގެންވާ ކަމަށް ވެސް ވަނީ ލަފާކޮށްފައެވެ. މެޓް އިން ބުނެފައިވަނީ އުތުރުގެ މޫސުން ރަނގަޅުވާނެ ކަމަށެވެ.
މެދުރާއްޖެތެރެއާއި އުތުރުގެ އަތޮޅުތަކަށް ހުޅަނގާއި ހުޅަނގު އުތުރުން ދެކުނުގެ އަތޮޅުތަކަށް ހުޅަނގުދެކުނާއި ހުޅަނގުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓް އިން ލަފާކޮށްފައިވެއެވެ.
ކަނޑުތައް އާދައިގެ ވަރަށް މަޑުވާނެ ކަމަށާއި ރާޅުގެ އުސްމިނުގައި 4-2 ފޫޓް ހުންނާނެ ކަމަށް ވެސް ލަފާކޮށްފައިވެއެވެ.
