ރައްޔިތުންގެ ބޭންކް، ބޭންކް އޮފް މޯލްޑިވްސް (ބީއެމްއެލް) ގެ މެނޭޖިން ޑިރެކްޓަރު ކަމާއި ސީއީއޯގެ މަގާމުގައި ހުންނެވި ކާލް ސްޓުމަކް އެ މަގާމުން އިސްތިއުފާ ދެއްވައިފި އެވެ.
ކާލް އެ މަގާމުން އިސްތިއުފާ ދިނީ އިއްޔެކަމަށް ބީއެމްއެލްގެ ވެބްސައިޓުގައި ވަނީ ހާމަކޮށްފައެވެ.
އެހެންނަމަވެސް ނޮވެމްބަރު ގައި އޮންނަ ބީއެމްއެލްގެ އަހަރީ އާންމު ޖަލްސާއާ ހަމައަށް ސީއީއޯގެ މަގާމުގައި ކާލް ހުންނަވާނެ ކަމަށް ބޭންކުން ވަނީ ބުނެފައެވެ.
ބޭންކަށް އައު ސީއީއޯއެއް ހޯދުމުގެ މުއްދަތުގައި ބޭންކްގެ ހިންގުމުގެ ޒިންމާ އަދާކުރައްވާނީ ޑެޕިއުޓީ ސީއީއޯ އައިޝަތު ނޫރައްދީން އެވެ.
މިފަހުން ވެސް ބޭންކްގެ ސީއީއޯއެެއް ނެތް ދުވަސްވަރު އެ ބޭންކު ހިންގުމާ އޭނާ ހަވާލުވެވަޑައިގެންނެވި އެވެ.
ސީއީއޯގެ މަގާމަށް މީހަކު އައްޔަނު ކުރުމުގެ މަސައްކަތް ޑިރެކްޓަރުންގެ ބޯޑުން ފަށާފައިވާ ކަމަށް ވެސް ބީއެމްއެލްއިން އިން ވަނީ ބުނެފައި އެވެ.
ތޭރަ އޮންލައިން އަށް މައުލޫމާތު ލިބުނުގޮތުގައި ކާލް މަގާމުން އިސްތިއުފާ ދެއްވީ ސަރުކާރުގެ ނުފޫޒު ބޮޑުވެ ބޭންކުން ނިންމާ ޕްރޮފެޝަނަލް ނިންމުންތަށް ބަޣާވަތުގެ ގޮތުގައި ސިފަކޮށް ތަހުގީގުތައް ކުރިޔަށް ގެންދާތީއެވެ.
