މާލޭގެ ސޯސަން މަގު ކޮޅުގައި ހުންނަ ކެފޭއެއްގެ މަތީގައި ހުރި ބަދިގޭގައި ރޯވެގެން ދިވެހި ސިފައިންގެ ހިދުމަތުން ހަރަކާތްތެރިވާން ފަށައިފިއެވެ.

އެމްއެންޑީއެފް އިން ބުނީ ހ. ދޫހިމެރިގޭގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވަމުން އަންނަ ކަމަށެވެ.

މީސްމީޑިޔާގައި މިހާރު ދައުރުވަމުން އަންނަ ވީޑިޔޯތަކުން ފެންނަ ގޮތުގަައި އެތަނުގައި ވަަރަށް ބޮޑަށް ރޯވެފައި ހުރި މަންޒަރު ފެނިގެން ދެއެވެ.

އަދި އެ ސަރަހައްދުގައި އާންމުންގެ އިތުރުން ފުލުހުން ވެސް އަންނަނީ ހަރަކާތްތެރިވަމުންނެވެ.

އެމްއެންޑީއެފް އިން ބުނީ، މި ހާދިސާގައި މައުލޫމާތު ލިބިފައި ވަނީ މެންދުރު 14:47 ހާއިރު ކަމަށެވެ.

އަލިފާން ނިއްވާލުމުގެ މަސައްކަތް ކުރަމުންދާއިރު ކައިރި ގެތަކަށް ވެސް އަލިފާނާއި ދުން ކޮންމެވެސް ވަރަކަށް ވަނީ ފެތުރިފައެވެ.

އެހެންކަމުން ސަލާމަތަށް ޓަކައި ކައިރި ގެތަކުން މީހުން ނެރުމުގެ މަސައްކަތް ވެސް ފުލުހުންނާއި ސިފައިން ދަނީ ކުރަމުންނެވެ.

ފުލުހުން ވިދާޅުވީ މި ހާދިސާއާ ގުޅިގެން މަގުމަތީގައި ތިބި ދެ މީހަކަށް ދުމުގެ އަސަރުކޮށްގެން ހޮސްޕިޓަލަށް ގެންގޮސްފައިވާ ކަމަށެވެ.

ހޮސްޕިޓަލަށް ގެންދިޔަ އުމުރުން 30 އަހަރުގެ ބިދޭސީ އަންހެން މީހާވަނީ  މިހާރު ދޫކޮށްލާފައެވެ.

އަދި 48 އަހަރުގެ ދިވެހި އަންހެން  މީހާގެ ހާލުވެސް ރަނގަޅު ކަމަށް އޭޑީކޭ ހޮސްޕިޓަލުން ވަނީ މަޢުލޫމާތުދެއްވާފައެވެ.