ފަނަރަ އަހަރުގެ ފިރިހެން ކުއްޖަކު އަށް އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ފެންމަތި ވެއްޖެއެވެ.

މި ހާދިސާ ހިނގާފައިވާ ކަމަށް މައުލޫމާތު ލިބިފައިވަނީ ތ އަތޮޅުގެ ރަށެއްގައެވެ. މައުލޫމާތު ލިބިފައިވާ ގޮތުގަައި 8 އަހަރުގެ އަންހެން ކުއްޖަކަށް އޮޅުވާލައިގެން ފަޅުތަނަކަށް ގެންގޮސް 18 އަހަރު ނުވާ ފިރިހެން ފިރިހެން ކުއްޖަކު ވަނީ އަންހެން ކުއްޖާއަށް ޖިންސީ ގޯނާ ކޮށްފައެވެ.

ފުލުހުން ހާމަކޮށްފައިވާ ގޮތުގައި، ސައުތު ސެންޓްރަލް ޕޮލިސް ހިމެނޭ މ، ފ، ދ، ތ، ލ އިން ރަށެއް ގައި 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މިއަދުގެ ވަގުތެއްގައި ފުލުހަށް ރިޕޯޓް ކޮށްފައިވާ ކަމަށެވެ.

މި މައްސަލަ ފުލުހުންނާއި ޖެންޑާ ގުޅިގެން ބަލަމުންދާ ކަމަށް ވެސް ފުލުހުން ހާމަކޮށްފައިވެއެވެ.

މިއީ ކުޑަކުދީންނާ ގުޅޭ ސީރިއަސް މައްސަލަތަކެއް ކަމުން ކުއްޖާގެ ވަނަވަރު ރައްކާތެރި ކުރުމަށް ކުއްޖާ ނިސްބަތްވާ އަތޮޅާއި ރަށް ފުލުހުން ހާމަ ނުކުރާނެ ކަމަށް ވެސް ބުންޏެވެ.

ރާއްޖޭގައި ޖިންސީ ގޯނާގެ މައްސަލަތައް ރިޕޯޓް ކުރާ މިންވަރު ދަނީ އިތުރުވަމުންނެވެ.

ނުކުޅެދުންތެރިކަން ހުންނަ ފިރިހެނަކަށް ޖިންސީގޯނާކުރި މީހަކު ދެކުނުގެ ފުވައްމުލަކު ސިޓީން ވެސް ވަނީ ހައްޔަރު ކޮށްފައެވެ.