ރައީސް އަބްދުﷲ ޔާމީން އަބްދުލްގައްޔޫމުގެ ވެރިކަމުގައި ރައްޔިތުން ދުށް ފަޚްރުވެރި މަސައްކަތުގެ ތެރެއިން އެއް މަސައްކަތަކީ، ދިވެހިރާއްޖޭގެ އެއާޕޯޓުގައި ކޯޑް އެފް ރަންވޭއެއް ގާއިމްކޮށް އެ ރަންވޭއަށް އޭ 380 މަރުކާގެ މަތިން ބޯޓު ތިރި ކޮށްލި ދުވަހެވެ. ޖީއެމްއާރު ކުންފުންނަށް ދޭން ޖެހޭ ބަދަލު ދިނުމަށް ފަހު ރައީސް ޔާމީން އެއާޕޯޓު ތަރައްގީކުރުމަށް ފެއްޓެވި ބިޔަ ބޮޑު މަޝްރޫއުގެ ތެރެއިން އެމަނިކުފާނުގެ ޒައާމަތުގައި ނިންމަވާލެއްވި ރަންވޭއަށް ޓެސްޓު ފްލައިޓު ޖެއްސި ދުވަހަކީ ދިވެހިންގެ އެތައް ބައެއްގެ ލޯތަކުގައި ފަޚްރުވެރިކަމާ އުފާވރިކަމުގެ ކަރުނަ ފާއްދާލި ތާރީޚީ ދުވަހެކެވެ.

އެއީ މީގެ 6 އަހަރު ކުރިއެވެ. މިއަދު އެ ހަނދާންތައް އައުކުރާއިރު، އެ ދުވަހު އޭ 380 މަރުކާގެ ބޯޓު އައު ރަންވޭއަށް ތިރިކޮށްލީވެސް ރާއްޖެއަށް އިތުރު ފަޚްރުވެރި ނަމަކާ އެކުއެވެ. އެގޮތުން އެ އަހަރު ބޭއްވި ސާފް ޗެމްޕިއަންޝިޕުގެ ފައިނަލްގައި އިންޑިއާ ބަލިކޮށް ރާއްޖެއިން އެ މުބާރާތުގެ ތައްޓާއެކު ގައުމީ ޓީމު ގޮވައިގެން ކުރި ތާރީޚީ ދަތުރުވެސް ގުޅިގެން ދަނީ މީގެ 6 އަހަރު ކުރިން ރައީސް ޔާމީންގެ ހިކުމަތްތެރިކަމާ އެކު ގާއިމުކޮށްދެއްވި ކޯޑް އެފް ރަންވޭ ހުޅުވުމުގެ ފަޚްރާއެވެ. މީގެ އިތުރުން އެދުވަހުގެ ދެ ޝަރަފްގެ ތެރެއަށް ވަންނަ ތިން ވަނަ ޝަރަފްއަކީ ކޯޑް އެފް ރަންވޭ ހުޅުވުމަށް ތިރިކުރި އޭ 380 މަރުކާގެ ބޯޓުގެ ކެޕްޓަންއަކީ އަދި ޕައިލެޓަކީ ވެސް ދިވެހި ދަރިއަކަށް ވުމެވެ.

އެ މަންޒަރު ބަލަން އެތައް ދިވެހިންނެއް އެ ދުވަހު ތިބީ ފަޚްރުވެރިކަމާ އެކު ގަައުމީ ޓީމަށް މަރުހަބާ ކިޔުމަށާ ރައީސް ޔާމީންގެ ޒައާމަތުގައި ރާއްޖެއަށް ގެނައި ބިޔަ ބޮޑު ތަރައްގީއަށް ހެކިވަމުންނެވެ. މީގެ 6 އަހަރު ކުރިން ހުޅުވި އެ ރަންވޭއަކީ ރާއްޖެއަށް އައި ތަރައްގީގެ އިތުރުން މިލިއަނުން ފަތުރުވެރިން ރާއްޖެއަށް ވަނުމަށް ހުޅުވުނު ދޮރެކެވެ. ވެލާނާ އިންޓަރނޭޝަނަލް އެއާޕޯޓު ޒަމާނީ ފެންވަރަކަށް ތަރައްގީކުރުމަށް ރައީސް ޔާމީން ފެއްޓެވި ބިޔަ މަޝްރޫއުގެ ތެރެއިން އައު ރަންވޭގެ މަސައްކަތް ފެށީ 2017 ވަނަ އަހަރުގެ ތެރޭގައެވެ. ރަންވޭ އަޅަފައިވަނީ އެއާޕޯޓު ފަޅުން ގާތްގަޑަކަށް 70 ހެކްޓަރުގެ ސަރަހައްދެއް ހިއްކައިގެނެވެ، މިއާ އެކު ހުޅުލޭ ބިމަށް 33 އިން ސައްތަ އިތުރުވެގެެން ދިޔައެވެ. މި ރަންވޭގެ މަސައްކަތްކޮށްފައިވާ ވަނީ ޗައިނާގެ ބެިޖިން އާރބަން ކޮންސްޓްރަކްޝަން ގްރޫޕު (ބީޔޫސީޖީ)އާ ހަވާލުކޮށްގެންނެވެ. މި މަސައްކަތަށް އެކަނިވެސް 400 މިލިއަން ޚަރަދު ކޮށްފައިވެއެވެ.

މި ރަންވޭއަށް 6 އަހަރު ފުރިގެން ދާއިރު މިކަމަށްޓަކައި ދިވެހީންގެ ޝުކުރާ ސަނާ ދަނީ ރައީސް ޔާމީނަށް އަރިސްކުރަމުންނެވެ. ކޯޑް އެފް ރަންވޭއިން ފެނިގެން ދިޔައި ރައީސް ޔާމީންގެ ދުރުވިސްނުންފުޅުގެ ސިޔާސަތެވެ. ދިވެހިރާއްޖޭގެ ތެރައްގީއިން މިއަދު ފެނިގެންދާ ކުލަ ތަރައްގީއަކީ ރައީސް ޔާމީންގެ ބުރަ މަސައްކަތްތްޕުޅެވެ. މިކަމަށްޓަކައި ރައީސް ޔާމީނަށް ފަށް ފަށުން ޝުކުރާ ތަހާނީ ހައްގެވެ.

ކޯޑް އެފް ރަންވޭއަށް 6 އަހަރު ވެގެން ދާއިރު ރައީސް ޔާމީން ތަރައްގީ ގެނެސްދެއްވީ އުއްމީދަކާ އެކު މިސްރާބެއް އޮވެގެންކަން ހާމަވެއެވެ. އަންނަން އޮތް ޖީލަށް ވިސްނައިގެންނެވެ.