ރާއްޖޭގައި އެޕަލްގެ އޮތޯރައިޒްޑް ރީސެލާ އެލް މޯބައިލްއިން، އެޕަލްގެ އެންމެ ފަހުގެ ފޯން، އައިފޯން 16 ސީރީޒްގެ ފޯންތަކަށް ޕްރި އޯޑަރަށް ރަސްމީކޮށް މާދަމާ ހުޅުވާލަން ނިންމައިފިއެވެ.

އެޕަލްއިން އެންމެ ފަހުގެ އައިފޯންތައް ދައްކާލާފައި ވަނީ މި މަހުގެ 9 ވަނަ ދުވަހުގެ ރޭގައެވެ. ދިވެހިން އެންމެ ގަޔާވާ އައިފޯނާއި ފަހުގެ އެޕަލްގެ ޕްރޮޑަކްޓަތައް މި މަސް ތެރޭގައި އެލް މޯބައިލަށް ލިބޭނެއެވެ.

އަބަދުވެސް އެޕަލްގެ އެންމެ ފަހުގެ ޕްރޮޑަކްޓްތައް ގެނެސް، ކަސްޓަމަރުންނާއި ހަމައަށް އެންމެ އަވަހަށް ގެނެސްދިނޭ އެލް މޯބައިލް އިން އައިފޯން 16 ގަންނަން ބޭނުންވާ ފަރާތްތައް ނޯޓު ކުރުމަށް މާދަމާއިން ފެށިގެން ހުޅުވާލަން ނިންމައިފައެވެ.

މިގޮތުން އެލްމޯބައިލްގެ ފިހާރަތަކަށް ނޫނީ ހޮޓްލައިން ނަމްބަރު 9360000، 7995709، 7774558 އަށް ގުޅައިގެން ރެޖިސްޓަރކޮށްގެން ފޯނު ރާއްޖޭގެ ބާޒާރަށް ނެރުމާއެކު މި މަސް ތެރޭގައި ލިބިގެން ދާނެއެވެ.

މިފަހަރުގެ އެލް މޯބައިލްގެ ހާއްސަ އޮފަރއެއްގެ ދަށުން ޕްރި އޯޑަރ ކުރާ ފަރާތްތަކުގެ ތެރެއިން ގުރުއަތުން ހޮވޭ އެކަކަށް އައިފޯން 16 އެެއް ލިބުމުގެ ފުރުސަތު ވެސް ލިބިގެން ދާނެއެވެ. އައިފޯން 16ގެ ފާހަގަކޮށްލެވޭ އެއް ފީޗާއަކީ އޭގެ ޒަމާނީ ކެމެރާ ސިސްޓަމެވެ. ރަނގަޅު ކެމެރާ ސެންސަރުތަކާއި ކޮމްޕިއުޓޭޝަނަލް ފޮޓޯގްރަފީގެ ގާބިލްކަން އިތުރުކޮށްފައިވާ އައިފޯން 16 އިން ޚާއްސަ ލޯ ލައިޓް ޕާފޯމަންސާއި ރިޒޮލިއުޝަން މަތިވުމުން ފޮޓޯގްރަފީއަށް ލޯބިކުރާ މީހުންނަށް މިއީ ހުވަފެނެކެވެ.

އައިފޯން 16ގައި ޕްރޯމޯޝަން ޑިސްޕްލޭއެއް ވެސް ހިމެނޭއިރު، 120 ހާޓްޒް ނުވަތަ އެއަށްވުރެ މަތީގެ ހައި ރިފްރެޝް ރޭޓް ޑިސްޕްލޭއެއް ވެސް ހިމެނެ އެވެ. މިއީ ސްކްރޯލް ކުރުން އޮމާންކޮށް، ރެސްޕޮންސިވް ޓަޗް އިންޕުޓް ކަށަވަރުކޮށްދޭ ކަމަކަށް ވާއިރު، ގޭމިން އަދި މަލްޓިމީޑިއާ ކޮންސިއުމަންޓަށް އޭގެ މަންފާ ހިފޭނެއެވެ. އައިފޯން 16 ގައި އައިއޯއެސްގެ އެންމެ ފަހުގެ ސޮފްޓްވެއާ ހިމެނޭއިރު، އާ ފީޗާސްތަކާއި އެޕަލްގެ އެހެން ޑިވައިސްތަކާއި ހިދުމަތްތަކާ ފަސޭހަކަމާއެކު ގުޅުވާލެވޭނެއެވެ.

މިއީ އެޕަލްގެ އިކޯސިސްޓަމްގެ ހުރިހާ ޑިވައިސެއް ވެސް ހުރަހަކާ ނުލައި އެއް ވިއުގައަކުުން ގުޅުވައިދީ ހާއްސަ ޔޫޒަރ އެކްސްޕީރިއަންސެއް ކަށަވަރުކޮށްދޭ ކަމެކެވެ. ސެކިއުރިޓީ އިތުރުކޮށްފައިވަނީ ފޭސް އައިޑީގެ އިތުރުން އަންޑަރ ޑިސްޕްލޭ ޓަޗް އައިޑީ ވެސް ހިމަނައިގެންނެވެ. މިއީ ސެކިއުރިޓީ އޮތެންޓިކޭޝަންއަށް އިތުރު އޮޕްޝަންތަކެއް ޔޫޒަރުންނަށް ލިބިގެންދާ ކަމަކަށް ވާއިރު، އެމީހުންގެ ޑޭޓާގެ ރައްކާތެރިކަން ޔަގީންކޮށްދެއެވެ.

އައިފޯން 16 އާއި 16 ޕްލަސްގެ ކުލަތަކަށް ބަލާއިރު، ވައިޓް އެންޑް ބެލްކް (ހޯ-ހަމް)، ޓީލް (މިންޓީ ގްރީން)، ޕިންކް، އަލްޓްރާމެރިން (އޯޝަން ބްލޫ ކަލާ) ހިމެނެއެވެ. އައިފޯން 16، ޕްރޯ އައި ޕްރޯ މެކްސްގެ ކުލަތަކަށް ބަލާއިރު، ބްލެކް ޓައިޓޭނިއަމް، ނެޗުރަލް ޓައިޓޭނިއަމް، ވައިޓް ޓައިޓޭނިއަމް، ޑެޒާޓް ޓައިޓޭނިއަމް ހިމެނެއެވެ.