އިންޑިއާގެ ތައްޕާހަށް ދިވެހިރާއްޖެ ވެއްޓި ހުސްވެއްޖެ ކަމަށާއި އިންޑިއާ އައުޓް ކެމްޕޭންގެ މާނަ މިހާރުގެ ސަރުކާރުން ބަދަލުކޮށްފި ކަމަށް ކާނަލް ރިޓަޔާޑް އަހްމަދު ފަޔާޒް (ޕާޕާ) ވިދާޅުވެއްޖެއެވެ.
ޕާޕާ މިހެން ވިދާޅުވީ ރާއްޖޭގެ ސިޔާސީ ތާރީޚާއި ގުޅޭ ގޮތުން ޕީއެންއެފް ފްރޮންޓް އޮފީސް ޖަލްސާގައި މިރޭ ވާހަކަދައްކަވަމުންނެވެ.
މިގޮތުން، ދިވެހިރާއްޖޭގެ ސިޔާސީ ތާރީޚު މިއަދުގެ ޒުވާނުންނަށް އިނގުން މާލަސްވެއްޖެ ކަމަށާއި ސިޔާސީ ތާރީޚް މިހާރު ދަނީ އިޔާދަވަމުން ކަމަށް ޕާޕާ ފާހަގަކުރެއްވިއެވެ.
މީގެ އިތުރުން، ވެރިކަން ހިމާޔަތް ކުރުމަށް މީގެ ކުރިންވެސް 35 ރަށެއް ވިއްކާފައިވާ ކަމަށާއި މިދިޔަ ސަރުކާރު ހިމާޔަތް ކުރުމުގެ ނަމުގައި ވަނީ ދިވެހިންގެ މުދާ ވިއްކާލާފައިވާ ކަމަށް ޕާޕާގެ ވާހަކައިގައި ފާހަގަކޮށްފައިވެއެވެ.
އެ ވެރިކަން ނިމި މިހާރުގެ ވެރިކަން ފެށިގެން އަހަރެއް ވެގެން ދާއިރުވެސް ގެއްލިގެން ގޮސްފައިވާ ރާއްޖޭގެ ސަރަހައްދީ ހިސާބުތައް ހޯދުމަށް އެއްވެސް މަސައްކަތެއް ކޮށްފައިނުވާ ކަމަށާއި ސިއްރު އެއްބަސްވުންތަކުގައި ސޮއިކޮށް އިންޑިއާގެ އަޅުވެތިކަމުގެ ދަށަށް އެއްކޮށް ގޮސްފައިވެއެވެ.
ޕާޕާމެން މި މަސައްކަތް ކުރަނީ ރައީސް ޔާމީންގެ ލީޑަރޝިޕްގެ ދަށުން ޕީޕީއެމް/ޕީއެންސީ އިންޑިއާ އައުޓް ކެމްޕެއިން ފަށައިގެން ވެރިކަމަށް އައިސް އިންޑިއާ އިން ކޮށް ރާއްޖޭގެ މިނިވަންކަމަށް ބުރޫ އަރުވަމުން ދާތީ ކަމަށް ޕާޕާ ވިދާޅުވިއެވެ.
ކަޅު މުހައްމަދުގެ ވެރިކަން ހިމާޔަތްކުރުމަށް އޭރުގެ 35 ރަށެއް ވިއްކާލާފައިވޭ. ހަމަ އަނެއްކާވެސް އަނެއް ކަޅު މުހައްމަދުގެ ވެރިކަން ހިމާޔަތް ކުރުމުގެ ނަމުގައި މިދިޔަ ވެރިކަމުގައި އިތުރު ރަށްތައް އެ ވިއްކާލީ. ނަސީބަކުން އެ ވެރިކަން ނިމިގެން އެ ދިޔައީ. ނަމަވެސް ދެން އައި މީހުންވެސް އަނބުރާ މި ތަންތަން ހޯދުމުގެ ބަދަލުގައި ސިއްރު އެއްބަސްވުންތަކުގައި ސޮއި ކުރަމުންދަނީ.
ޕާޕާ ވިދާޅުވިއެވެ.
މިއާއިއެކު، ވޯރާއިންގެ ވިޔަފާރީގެ ވާހަކަ ފާހަގަކުރައްވާ އެއީވެސް އާއިލީ ހަސަދައިގެ ސަބަބުން ރާއްޖެއަށް ދިމާވި ހާލަތެއް ކަމަށާއި، އޭރު ގައުމު ދެކެ ލޯބިވި ފަރާތްތަކުގެ ބުރަ މަސައްކަތުން ރާއްޖެ ހިމާޔަތް ކޮށްފައިވާއިރު މިފަދަ މީހުންގެ މަސައްކަތް ހަނދާން ނެތިގެން ނުވާނެ ކަމަށް ޕާޕާ ވިދާޅުވިއެވެ.
